🇰🇭🇰🇭🇱🇦🇱🇦
នាវេលាព្រឹកថ្ងៃទី២២ កុម្ភៈ ឆ្នាំ២០១៧នេះ ព្រះករុណាជាអម្ចាស់ជីវិតតម្កល់លើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ព្រះអង្គសព្វព្រះរាជហឫទ័យស្តេចយាងប្រោសព្រះរាជទានសវនាការស្វាគមន៍យ៉ាងកក់ក្ដៅជូនចំពោះ ឯកឧត្ដមប្រធានរដ្ឋនៃ សាធារណរដ្ឋប្រជាធិបតេយ្យប្រជាមានិតឡាវ ព្រមទាំងគណ:ប្រតិភូ ចូលក្រាបថ្វាយបង្គំគាល់នាព្រះទីន័ងទេវាវិនិច្ឆ័យ ព្រះបរមរាជវាំងចតុម្មុខមង្គល ក្នុងឱកាសដំណើរទស្សនកិច្ចផ្លូវរដ្ឋមកកាន់ព្រះរាជាណាចក្រកម្ពុជារបស់ឯកឧត្តម។
ជយោចំណងសាមគ្គីភាពមិត្តភាពឡាវ កម្ពុជា
នារសៀលថៃ្ងទី ២២ កុម្ភៈ បន្ទាប់ពីបញ្ជប់ព្រះរាជសវនាការ ជាមួយព្រះករុណា ព្រះបាទសម្តេច ព្រះបរមនាថ នរោត្តម សីហមុនី ជាទីគោរពសក្ការៈដ៏ខ្ពង់ខ្ពស់រួចមក លោកប្រធានាធិបតីនៃ សាធារណរដ្ឋប្រជាមានិតឡាវ បានដឹកនាំគណៈប្រតិភូរ អញ្ជើញមកគោរពវិញ្ញាណក័ន្ធ បុព្វបុរសដែលបានបូជាជីវិតដេីម្បីឯករាជ្យជាតិមាតុភូមិ នាស្តូបវិមានឯករាជ្យរាជធានីភ្នំពេញ រួចក៏បានអញ្ជើញគោរពព្រះរាជវិញ្ញាណក័ន្ធ ព្រះបរមរតកោដ្ឋ នាស្តូបវិមានព្រះបរមរូប សួនច្បារវិមានឯករាជ្យ ៚
ប្រធានាធិបតីឡាវ បានអញ្ជើញដល់ព្រះបរមរាជវាំងហើយ ដើម្បីចូលរួមពិធីលៀងសាយភោជន៍ ជាមួយព្រះមហាក្សត្រកម្ពុជា និងថ្នាក់ដឹកនាំប្រទេស
(ភ្នំពេញ)៖ នៅវេលាម៉ោង៧៖០០យប់ ថ្ងៃទី២២ ខែកុម្ភៈ ឆ្នាំ២០១៧នេះ ប្រធានាធិបតីឡាវ លោក ប៊ុនញ៉ាំង វរជិត (Bounnhang Vorachith) បានអញ្ជើញចូលរួមពិធីលៀងសាយភោជន៍ ជាមួយព្រះមហាក្សត្រ ព្រះករុណា ព្រះបាទបរមនាថ នរោត្តម សីហមុនី ព្រះមហាក្សត្រកម្ពុជា នៅព្រះបរមរាជវាំង ព្រមទាំងមានការចូលរួមពីថ្នាក់ដឹកនាំកំពូលៗរបស់ប្រទេសផងដែរ។
លោក ប៊ុនញ៉ាំង វរជិត បានដឹកនាំគណៈប្រតិភូ បានមកបំពេញទស្សនកិច្ចផ្លូវរដ្ឋ នៅប្រទេសកម្ពុជា រយៈពេលពីរថ្ងៃ គឺនៅថ្ងៃទី២២ និងថ្ងៃទី២៣ ខែកុម្ភៈ ឆ្នាំ២០១៧។ យន្តហោះរបស់លោកប្រធានាធិបតីបានចូលចត នៅព្រលានយន្តហោះអន្តរជាតិ ភ្នំពេញកម្ពុជា នៅវេលាម៉ោង ៨៖៣៥នាទី ព្រឹកថ្ងៃទី២២ ខែកុម្ភៈ ឆ្នាំ២០១៧នេះ។
នៅក្នុងដំណើរទស្សនកិច្ចផ្លូវរដ្ឋនេះ លោកប្រធានរដ្ឋសាធារណរដ្ឋប្រជាធិបតេយ្យប្រមានិតឡាវ បានចូលគាល់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅព្រឹកមិញ, ជួបពិភាក្សាការងារជាមួយសម្តេចវិបុលសេនាភក្ដី សាយ ឈុំ ប្រធានព្រឹទ្ធសភា និង សម្តេចអគ្គមហាពញ្ញាចក្រី ហេង សំរិន ប្រធានរដ្ឋសភា និងជួបពិភាក្សា ការងារជាមួយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅវិមានសន្តិភាព៕
ជយោ ! ចំណងមិត្តភាព កម្ពុជា ឡាវ 🇰🇭🇱🇦
No comments:
Post a Comment