Dnt News
កំណត់ហេតុស្រាវជ្រាវ ៖ ស្តេចត្រាញ់ ដាប ឈួន ល្បីចាប់កូនក្រមុំគេ និង មានអាគមកាប់មិនមុតដុតមិនឆេះ ចុងក្រោយ ព្រះអង្គចេក ព្រះអង្គលែងជួយ
ដាប ឈួន ឈ្មោះពិត គឹម ឈួនម្ជុលពេជ្រ កើតនៅឆ្នាំ ១៩១៨ ក្នុងខេត្តសៀមរាប ឯអ្នកខ្លះ ទៀតថាកើតនៅខេត្តកណ្តាល និង ធំដឹងក្តីនៅខេត្តព្រៃវែង ។ ដាប ឈួន មានឪពុកឈ្មោះ គឹម រៀង ម្តាយឈ្មោះ នាង យឹម ។ មានប្រភពមួយនិយាយថា ដាប ឈួន ការពិតគឺជាចៅរបស់ ឧកញ៉ាក្រឡា ហោមគង់ ហើយជាចៅបង្កើតរបស់ឧកញ៉ា ស្នង ផូ ។ សូមបញ្ជាក់ថា សម័យរាជ អង្គ ឌួង ដាប ឈួន មានជីតាបង្កើតដល់ទៅ ៣ នាក់ ជាឧកញ៉ាល្បីឈ្មោះ គឺឧកញ៉ា ស្នង ផូ បងទី ១ , ឧកញ៉ា ស្នង នោង បងទី ២ ហើយប្អូនពៅគឺឧកញ៉ាក្រឡាហោមគង់ ។ ឪពុកបង្កើត ដាប ឈួន ឈ្មោះ គឹម រៀង មានបងឈ្មោះ គឹម រួត ត្រូវជាកូនបង្កើតរបស់ ឧកញ៉ា ស្នងផូ ។
នៅដើមទសវត្សរ៍ ១៩៤០ បានចូលបង្កើតចលនាតស៊ូប្រឆាំងបារាំង(ឥស្សរ:)ភាគខាងជើងខ្មែរ- សៀម ក្រោមការគាំទ្រពីវៀតណាម ។
ក្រោយមក ដាប ឈួន ក៏ក្លាយជាមេឥស្សរ: ល្បីឈ្មោះប្រចាំតំបន់សៀមរាប ។ ខែតុលា ឆ្នាំ ១៩៤៩ ដាប ឈួន សុំចុះចូលជាមួយ សម្តេចព្រះនរោត្តម សីហនុ ជាផ្លូវការ ។ ពេលនោះ សម្តេច ព្រះនរោត្តម សីហនុ តែងតាំងឲ្យធ្វើជាមេទាហាន មានឋានន្តរស័ក្តិ វរសេនីយ៍ត្រីយ៍ ហើយគ្រប់គ្រងទ័ពពិសេសនៅ តំបន់សៀមរាបតែម្តង ដោយសារមានស្នាដៃល្អ ដាប ឈួន ត្រូវបាន សម្តេច ព្រះនរោត្តម សីហនុ ដំឡើងឋានន្តរស័ក្តិជាបន្តបន្ទាប់ ។
នៅឆ្នាំ ១៩៥៤ គណ:ប្រតិភូនៃរាជរដ្ឋាភិបាលកម្ពុជា ដឹកនាំដោយលោករដ្ឋមន្ត្រីការបរទេសទេព ផន លោក នង គីមុនី លោក សម សារី លោក សឺន សាន លោក ញ៉ឹក ជូឡុង លោក ស៊ុត សាខន … ក្រៅពីប្រតិភូនេះ មានតំណាងខ្មែរឥស្សរ:សំខាន់ៗ ៤ នាក់ទៀត គឺ ដាប ឈួន ព្រះអង្គម្ចាស់ ច័ន្ទរង្សី លោក ពុត ឆាយ និង លោក សាវ៉ាងវង្ស ដែលនាំទៅបង្ហាញ អន្តរជាតិក្នុងឋាន:ជាអ្នកតស៊ូប្រដាប់ដោយអាវុធដើម្បីដណ្តើមឯករាជ្យពីបារាំង និង បាន ចុះចូលជាមួយរាជរដ្ឋាភិបាលស្របច្បាប់រួចហើយ ។
ក្នុងរយ:ពេល ១០ តាំងពីលោក ដាប ឈួន សុំចុះចូលមក ត្រូវបាន សម្តេច ព្រះនរោត្តម សីហនុ តែងតាំងឲ្យកាន់មុខតំណែងសំខាន់ៗមួយចំនួនមានដូចជា ៖ ទេសរដ្ឋមន្ត្រី រដ្ឋមន្ត្រីក្រសួងសន្តិសុខជាតិ… ចុងក្រោយ ប្រតិភូរាជរដ្ឋាភិបាលទទួលបន្ទុកតំបន់សៀមរាប និង កំពង់ធំ ។ ពេលនោះអំណាចរបស់គាត់ នៅសៀមរាប និង កំពង់ធំ ពិតជាខ្លាំងក្លាណាស់ ។ ដាប ឈួន គ្រប់គ្រងតំបន់នោះល្បីឈ្មោះ ថាមានភាពព្រៃផ្សៃខ្លាំងណាស់ ។ ម្យ៉ាងវិញទៀតដោយសារគាត់មានអំណាចខ្លាំងក្លានៅក្នុង តំបន់នោះគេតែងប្រៀបលោក ដាប ឈួន ទៅនឹង ស្តេចត្រាញ់ ដូច្នេះឯង ។
មានការតំណាល តៗគ្នាថា នៅពេលលោក ដាប ឈួន ក្លាយជាចៅហ្វាយខេត្តសៀមរាប គាត់ក៏ចាប់ផ្តើមផ្តាច់ការបន្តិចម្តងៗ ក្នុងនោះក៏ល្បីល្បាញថា ចាប់រំលោភកូនក្រមុំគេ និង យកកូនក្រមុំគេធ្វើ ប្រពន្ធ រហូតមានពាក្យនិយាយថា កូនក្រមុំដែលរៀបការណាក៏ដោយ មុនផ្សំដំណេកត្រូវយក ទៅឲ្យ ដាប ឈួន មុន ។ ហើយ ដាប ឈួន ក៏ជាអ្នកបង្ក្រាបយុវជនភ្លើតភ្លើន ដូចជា យុវជន ខ្លះជិះកង់ដៃម្ខាងនោះ លោក ដាប ឈួន យកកង់ទៅកាត់ដៃម្ខាងទៀតចោលជាដើម ។
នៅដើមឆ្នាំ ១៩៥៩ លោក ដាប ឈួន ត្រូវបានជាប់សង្ស័យក្នុងការរៀបចំធ្វើរដ្ឋប្រហារយោធា មួយនៅខេត្តសៀមរាបដើម្បីផ្តួលរំលំ សម្តេច ព្រះរោត្តម សីហនុ ផែនការនោះត្រូវបានគេលើក ថា រៀបចំលើកដំបូងដោយមេដឹកនាំវៀតណាមខាងត្បូងនិងបន្តទៅទីក្រុងបាងកក ដើម្បីជួយ ដល់គំនិតរដ្ឋប្រហារនេះ ។ ដូច្នេះ លោក ដាប ឈួន ក៏ជាប់ឈ្មោះជាអ្នកក្បត់ សម្តេច ព្រះនរោត្ត សីហនុ ។
នៅខែមីនា ឆ្នាំ ១៩៥៩ កងយោធពលខេមរភូមិន្ទ ក្រោមបញ្ជាការ លោកឧត្តមសេនីយ៍ លន់់ នល់ បានដឹកនាំធ្វើប្រតិបត្តិការហ៊ុមព័ទ្ធចាប់ខ្លួនលោក ដាប ឈួន យកមកកាត់ទោស ។ លោក ដាប ឈួន ដឹងខ្លួនមុនក៏រត់គេចខ្លួនយ៉ាងរហ័សនៅក្នុងព្រៃ ។មានពាក្យតំណាលថា កាលនៅរស់ លោក ដាប ឈួន ងប់ងល់នឹងព្រះអង្គចេក ព្រះអង្គចម ។
មានការល្បីថា លោក ដាប ឈួន ចេះមន្តអាគមកាប់មិនមុតដុតមិនឆេះ និងត្រូវបានគេដឹងថាលោកមានជំនឿយ៉ាងងប់ងល់នឹងបារមីព្រះអង្គចេក ព្រះអង្គចម ។ នៅពេលតំបន់់អង្គរត្រូវ បានគេបោះបង់ចោល រូបសំណាក ព្រះអង្គចេក ព្រះអង្គចម ក៏បាត់មួយរយ: ។ តែរូបសំណាក ទាំងពីរនេះត្រូវបានគេ រកឃើញវិញនៅឆ្នាំ ១៩៥០ នៅក្នុងព្រៃក្នុងតំបន់ប្រាសាទអង្គរធំ ដោយមន្ត្រីអភិរក្សខេត្ត សៀមរាប គេជឿថា ព្រះអង្គចេក ព្រះអង្គចម កាលនោះដើមឡើយត្រូវបានតម្កល់ទុកក្នុង ប្រាសាទអង្គរវត្ត ។
បន្ទាប់ពីដឹងថា ព្រះអង្គចេក ព្រះអង្គចម ត្រូវបានគេយកមករក្សាទុកនៅ កន្លែងអភិរក្សមក លោក ដាប ឈួន រួមជាមួយទាហានរបស់គាត់មួយចំនួនបានលួចវាយឆ្មក់ យករូបសំណាកទាំងពីរនេះមកតម្កល់ទុកក្នុងទីចាត់ការរបស់គាត់ នៅ ចុងក្រហម បច្ចុប្បន្ន សណ្ឋាគារអង្គរ ជូនជូរី ។ ថ្ងៃមួយគាត់យករូបសំណាកទាំងពីរដាក់ក្នុងរថយន្តរបស់គាត់មក តម្កល់ទុកក្នុងផ្ទះ ។ ទាហាន ៥ នាក់ ទើបអាចលើករូបសំណាកមួយរួច ។
ក្រោយមកល្បីថា ដាប ឈួន មានកម្លាំងលើសអស់មនុស្សលោកធម្មតាដែលគាត់អាចលើករូបទាំងពីរ នោះដែលមានទម្ងន់សរុប ១៥០ គីឡូក្រាម បានយ៉ាងងាយ ។ គាត់និងទាហានរបស់គាត់ពិតជាមានជំនឿយ៉ាងខ្លាំងចំពោះ ព្រះអង្គចេក ព្រះអង្គចម ដែលពួកគាត់តែងតែចំណាយ ពេលយ៉ាងហោចណាស់កន្លះម៉ោងក្នុងមួយថ្ងៃដើម្បីធ្វើការគោរពបូជា និង បួងសួងឲ្យថែរក្សា ពួកគេ ។ មានរឿងតំណាលបន្តថា ជាមួយការគោរពនោះ ព្រះអង្គចេក ព្រះអង្គចម បានពន្យល់សប្តិឲ្យដឹងជាមុនអំពីគម្រោងការការតាមចាប់ខ្លួនរបស់ សម្តេច ព្រះនរោត្ត សីហនុ ដែលបានចោទប្រកាន់ថា គាត់មានគម្រោងការក្បត់ និង ប៉ុនប៉ងធ្វើគត់ព្រះអង្គ ។ គ្រាន់តែ បានដឹងអំពីផែនការរបស់ព្រះអង្គតាមរយ:បារមីភ្លាម លោក ដាប ឈួន ក៏បានរត់ភៀសខ្លួន ទៅព្រំដែនថៃ ដោយនាំយករូបសំណាកទាំងពីរទៅជាមួយ ។ ប៉ុន្តែជាសំណាងមិនល្អគាត់ ពុំអាចលើករូបទាំងពីរនោះបានដូចមុនៗឡើយ ដែលរូបសំណាក ព្រះអង្គចេក ព្រះអង្គចម កាន់តែធ្ងន់ឡើងៗដោយគាត់ពុំអាចយកតាមខ្លួន ។
ទីបំផុត ដាប ឈួន សម្រេចចិត្តកាត់កដៃ ស្តាំរបស់ ព្រះអង្គចេក ហើយនាំយកទៅ ។ ដាប ឈួន រត់គេចខ្លួនមកទល់ដែន លោក បាន សឿន ជាអ្នកមើលការខុសត្រូវ និង អាចារ្យក្នុងដំណាក់ ព្រះអង្គចេក ព្រះអង្គចម បានមាន ប្រសាសន៍ថា គាត់ជឿណាស់ពេលបារមីខ្លាំងពូកែ ហើយពេល ដាប ឈួន រត់គេចខ្លួនហ្នឹង ក៏ព្យាយាមយករូបសំណាកទាំងពីរទៅជាមួយ តែយកមិនរួចឡើយ មិនដឹងមកពីអ្វី ។ ដូច្នេះលោក ក៏គេចខ្លួនឯង ហើយលោកក៏ត្រូវគេចាប់ខ្លួនបាន និង សម្លាប់ចោលតែម្តទៅ ។ បារមីមិនអាច ជួយគាត់បានទេ នោះប្រហែលមកពីគាត់ប្រព្រឹត្តអំពើបាបច្រើនពេក ។ លោក នៅ ហ៊ាន អតីត ជាកងទ័ពខ្មែរឥស្សរ:បានបញ្ជាក់ថា មុនពេលមានអាសន្នម្តងៗ ព្រះអង្គចេក ព្រះអង្គចម បានប្រាប់លោក ដាប ឈួន ថា លោកឪពុកមានអាសន្នហើយ ដូច្នេះលោកតែងតែរត់ គេចខ្លួនពីគ្រោះថ្នាក់បាន ។
ស្របគ្នានោះ អ្នកស្រី ខឹម ស្រណំ ដែលជាកូនប្តីក្រោយរបស់អ្នកស្រី ឧត្តម ស័ក្តិ ប្រពន្ធ ដាប ឈួន បានឲ្យដឹងថា គាត់ក៏ទទួលស្គាល់អំពីរឿងនេះតាមរយ:ម្តាយអ្នកស្រីដែរថា លោក ដាប ឈួន មានជំនឿខ្លាំងចំពោះរឿងនេះ ។ សម័យខ្មែរក្រហម ព្រះអង្គចេក ព្រះអង្គចម ក៏ត្រូវបានខ្មែរ ក្រហមយកទៅទម្លាក់ចោលក្នុងស្ទឹងសៀមរាប ហើយមិនយូរប៉ុន្មានអ្នកដែលយករូបនេះទៅ ចោលក៏ស្លាប់អស់ដែរ ។ ឆ្នាំ ១៩៨២ ព្រះចៅអធិការវត្តក៏បានយករូបនេះមកវិញ ។
យាយអតីតប្រពន្ធ លោក ដាប ឈួន និយាយថា លោក ដាប ឈួន មានប្រពន្ធប្រហែល ៧ នាក់ ប្រពន្ធទី ១ ឈ្មោះ តាំង អ៊ីម ទី ២ ឈ្មោះ ឧត្តម ស័ក្តិ… នៅពេលបានតា ដាប ឈួន ជាស្វាមី យាយ ឧត្តម ស័ក្តិ មានកូនប្រុសតែម្នាក់គត់ ដែលបានស្លាប់ក្នុងជំនាន់់ ប៉ុល ពត ។
ដាប ឈួន បានអ្នកស្រី ឧត្តម ស័ក្តិ គឺនៅពេលតស៊ូក្នុងព្រៃភ្នគូលែន ដែលភរិយាយនេះជាអតីតមេចលនានារីខ្លាំងមួយរូប ហើយល្បីខាងមន្តអាគមដូចគ្នា គឺល្បីថាមានកណ្តាញ់ផ្នែក ខាងក្រោម ហើយក៏ល្បីថាមានកន្សែងជូតមុខ ១ ពេលយកកន្សែងនោះមកជូតមុខ ២ ថ្ងៃ ជាប់ៗគ្នាគឺបាញ់មិនមុត ដុតមិនឆេះរយ:ពេល ៣ ខែ ។ ហើយបើយកកន្សែងនោះជូតមុខ បាញ់មិនមុតដុតមិនឆេះ ៣ ឆ្នាំឯណោះ ៕
កំណត់ហេតុស្រាវជ្រាវ ៖ ស្តេចត្រាញ់ ដាប ឈួន ល្បីចាប់កូនក្រមុំគេ និង មានអាគមកាប់មិនមុតដុតមិនឆេះ ចុងក្រោយ ព្រះអង្គចេក ព្រះអង្គលែងជួយ
ដាប ឈួន ឈ្មោះពិត គឹម ឈួនម្ជុលពេជ្រ កើតនៅឆ្នាំ ១៩១៨ ក្នុងខេត្តសៀមរាប ឯអ្នកខ្លះ ទៀតថាកើតនៅខេត្តកណ្តាល និង ធំដឹងក្តីនៅខេត្តព្រៃវែង ។ ដាប ឈួន មានឪពុកឈ្មោះ គឹម រៀង ម្តាយឈ្មោះ នាង យឹម ។ មានប្រភពមួយនិយាយថា ដាប ឈួន ការពិតគឺជាចៅរបស់ ឧកញ៉ាក្រឡា ហោមគង់ ហើយជាចៅបង្កើតរបស់ឧកញ៉ា ស្នង ផូ ។ សូមបញ្ជាក់ថា សម័យរាជ អង្គ ឌួង ដាប ឈួន មានជីតាបង្កើតដល់ទៅ ៣ នាក់ ជាឧកញ៉ាល្បីឈ្មោះ គឺឧកញ៉ា ស្នង ផូ បងទី ១ , ឧកញ៉ា ស្នង នោង បងទី ២ ហើយប្អូនពៅគឺឧកញ៉ាក្រឡាហោមគង់ ។ ឪពុកបង្កើត ដាប ឈួន ឈ្មោះ គឹម រៀង មានបងឈ្មោះ គឹម រួត ត្រូវជាកូនបង្កើតរបស់ ឧកញ៉ា ស្នងផូ ។
នៅដើមទសវត្សរ៍ ១៩៤០ បានចូលបង្កើតចលនាតស៊ូប្រឆាំងបារាំង(ឥស្សរ:)ភាគខាងជើងខ្មែរ- សៀម ក្រោមការគាំទ្រពីវៀតណាម ។
ក្រោយមក ដាប ឈួន ក៏ក្លាយជាមេឥស្សរ: ល្បីឈ្មោះប្រចាំតំបន់សៀមរាប ។ ខែតុលា ឆ្នាំ ១៩៤៩ ដាប ឈួន សុំចុះចូលជាមួយ សម្តេចព្រះនរោត្តម សីហនុ ជាផ្លូវការ ។ ពេលនោះ សម្តេច ព្រះនរោត្តម សីហនុ តែងតាំងឲ្យធ្វើជាមេទាហាន មានឋានន្តរស័ក្តិ វរសេនីយ៍ត្រីយ៍ ហើយគ្រប់គ្រងទ័ពពិសេសនៅ តំបន់សៀមរាបតែម្តង ដោយសារមានស្នាដៃល្អ ដាប ឈួន ត្រូវបាន សម្តេច ព្រះនរោត្តម សីហនុ ដំឡើងឋានន្តរស័ក្តិជាបន្តបន្ទាប់ ។
នៅឆ្នាំ ១៩៥៤ គណ:ប្រតិភូនៃរាជរដ្ឋាភិបាលកម្ពុជា ដឹកនាំដោយលោករដ្ឋមន្ត្រីការបរទេសទេព ផន លោក នង គីមុនី លោក សម សារី លោក សឺន សាន លោក ញ៉ឹក ជូឡុង លោក ស៊ុត សាខន … ក្រៅពីប្រតិភូនេះ មានតំណាងខ្មែរឥស្សរ:សំខាន់ៗ ៤ នាក់ទៀត គឺ ដាប ឈួន ព្រះអង្គម្ចាស់ ច័ន្ទរង្សី លោក ពុត ឆាយ និង លោក សាវ៉ាងវង្ស ដែលនាំទៅបង្ហាញ អន្តរជាតិក្នុងឋាន:ជាអ្នកតស៊ូប្រដាប់ដោយអាវុធដើម្បីដណ្តើមឯករាជ្យពីបារាំង និង បាន ចុះចូលជាមួយរាជរដ្ឋាភិបាលស្របច្បាប់រួចហើយ ។
ក្នុងរយ:ពេល ១០ តាំងពីលោក ដាប ឈួន សុំចុះចូលមក ត្រូវបាន សម្តេច ព្រះនរោត្តម សីហនុ តែងតាំងឲ្យកាន់មុខតំណែងសំខាន់ៗមួយចំនួនមានដូចជា ៖ ទេសរដ្ឋមន្ត្រី រដ្ឋមន្ត្រីក្រសួងសន្តិសុខជាតិ… ចុងក្រោយ ប្រតិភូរាជរដ្ឋាភិបាលទទួលបន្ទុកតំបន់សៀមរាប និង កំពង់ធំ ។ ពេលនោះអំណាចរបស់គាត់ នៅសៀមរាប និង កំពង់ធំ ពិតជាខ្លាំងក្លាណាស់ ។ ដាប ឈួន គ្រប់គ្រងតំបន់នោះល្បីឈ្មោះ ថាមានភាពព្រៃផ្សៃខ្លាំងណាស់ ។ ម្យ៉ាងវិញទៀតដោយសារគាត់មានអំណាចខ្លាំងក្លានៅក្នុង តំបន់នោះគេតែងប្រៀបលោក ដាប ឈួន ទៅនឹង ស្តេចត្រាញ់ ដូច្នេះឯង ។
មានការតំណាល តៗគ្នាថា នៅពេលលោក ដាប ឈួន ក្លាយជាចៅហ្វាយខេត្តសៀមរាប គាត់ក៏ចាប់ផ្តើមផ្តាច់ការបន្តិចម្តងៗ ក្នុងនោះក៏ល្បីល្បាញថា ចាប់រំលោភកូនក្រមុំគេ និង យកកូនក្រមុំគេធ្វើ ប្រពន្ធ រហូតមានពាក្យនិយាយថា កូនក្រមុំដែលរៀបការណាក៏ដោយ មុនផ្សំដំណេកត្រូវយក ទៅឲ្យ ដាប ឈួន មុន ។ ហើយ ដាប ឈួន ក៏ជាអ្នកបង្ក្រាបយុវជនភ្លើតភ្លើន ដូចជា យុវជន ខ្លះជិះកង់ដៃម្ខាងនោះ លោក ដាប ឈួន យកកង់ទៅកាត់ដៃម្ខាងទៀតចោលជាដើម ។
នៅដើមឆ្នាំ ១៩៥៩ លោក ដាប ឈួន ត្រូវបានជាប់សង្ស័យក្នុងការរៀបចំធ្វើរដ្ឋប្រហារយោធា មួយនៅខេត្តសៀមរាបដើម្បីផ្តួលរំលំ សម្តេច ព្រះរោត្តម សីហនុ ផែនការនោះត្រូវបានគេលើក ថា រៀបចំលើកដំបូងដោយមេដឹកនាំវៀតណាមខាងត្បូងនិងបន្តទៅទីក្រុងបាងកក ដើម្បីជួយ ដល់គំនិតរដ្ឋប្រហារនេះ ។ ដូច្នេះ លោក ដាប ឈួន ក៏ជាប់ឈ្មោះជាអ្នកក្បត់ សម្តេច ព្រះនរោត្ត សីហនុ ។
នៅខែមីនា ឆ្នាំ ១៩៥៩ កងយោធពលខេមរភូមិន្ទ ក្រោមបញ្ជាការ លោកឧត្តមសេនីយ៍ លន់់ នល់ បានដឹកនាំធ្វើប្រតិបត្តិការហ៊ុមព័ទ្ធចាប់ខ្លួនលោក ដាប ឈួន យកមកកាត់ទោស ។ លោក ដាប ឈួន ដឹងខ្លួនមុនក៏រត់គេចខ្លួនយ៉ាងរហ័សនៅក្នុងព្រៃ ។មានពាក្យតំណាលថា កាលនៅរស់ លោក ដាប ឈួន ងប់ងល់នឹងព្រះអង្គចេក ព្រះអង្គចម ។
មានការល្បីថា លោក ដាប ឈួន ចេះមន្តអាគមកាប់មិនមុតដុតមិនឆេះ និងត្រូវបានគេដឹងថាលោកមានជំនឿយ៉ាងងប់ងល់នឹងបារមីព្រះអង្គចេក ព្រះអង្គចម ។ នៅពេលតំបន់់អង្គរត្រូវ បានគេបោះបង់ចោល រូបសំណាក ព្រះអង្គចេក ព្រះអង្គចម ក៏បាត់មួយរយ: ។ តែរូបសំណាក ទាំងពីរនេះត្រូវបានគេ រកឃើញវិញនៅឆ្នាំ ១៩៥០ នៅក្នុងព្រៃក្នុងតំបន់ប្រាសាទអង្គរធំ ដោយមន្ត្រីអភិរក្សខេត្ត សៀមរាប គេជឿថា ព្រះអង្គចេក ព្រះអង្គចម កាលនោះដើមឡើយត្រូវបានតម្កល់ទុកក្នុង ប្រាសាទអង្គរវត្ត ។
បន្ទាប់ពីដឹងថា ព្រះអង្គចេក ព្រះអង្គចម ត្រូវបានគេយកមករក្សាទុកនៅ កន្លែងអភិរក្សមក លោក ដាប ឈួន រួមជាមួយទាហានរបស់គាត់មួយចំនួនបានលួចវាយឆ្មក់ យករូបសំណាកទាំងពីរនេះមកតម្កល់ទុកក្នុងទីចាត់ការរបស់គាត់ នៅ ចុងក្រហម បច្ចុប្បន្ន សណ្ឋាគារអង្គរ ជូនជូរី ។ ថ្ងៃមួយគាត់យករូបសំណាកទាំងពីរដាក់ក្នុងរថយន្តរបស់គាត់មក តម្កល់ទុកក្នុងផ្ទះ ។ ទាហាន ៥ នាក់ ទើបអាចលើករូបសំណាកមួយរួច ។
ក្រោយមកល្បីថា ដាប ឈួន មានកម្លាំងលើសអស់មនុស្សលោកធម្មតាដែលគាត់អាចលើករូបទាំងពីរ នោះដែលមានទម្ងន់សរុប ១៥០ គីឡូក្រាម បានយ៉ាងងាយ ។ គាត់និងទាហានរបស់គាត់ពិតជាមានជំនឿយ៉ាងខ្លាំងចំពោះ ព្រះអង្គចេក ព្រះអង្គចម ដែលពួកគាត់តែងតែចំណាយ ពេលយ៉ាងហោចណាស់កន្លះម៉ោងក្នុងមួយថ្ងៃដើម្បីធ្វើការគោរពបូជា និង បួងសួងឲ្យថែរក្សា ពួកគេ ។ មានរឿងតំណាលបន្តថា ជាមួយការគោរពនោះ ព្រះអង្គចេក ព្រះអង្គចម បានពន្យល់សប្តិឲ្យដឹងជាមុនអំពីគម្រោងការការតាមចាប់ខ្លួនរបស់ សម្តេច ព្រះនរោត្ត សីហនុ ដែលបានចោទប្រកាន់ថា គាត់មានគម្រោងការក្បត់ និង ប៉ុនប៉ងធ្វើគត់ព្រះអង្គ ។ គ្រាន់តែ បានដឹងអំពីផែនការរបស់ព្រះអង្គតាមរយ:បារមីភ្លាម លោក ដាប ឈួន ក៏បានរត់ភៀសខ្លួន ទៅព្រំដែនថៃ ដោយនាំយករូបសំណាកទាំងពីរទៅជាមួយ ។ ប៉ុន្តែជាសំណាងមិនល្អគាត់ ពុំអាចលើករូបទាំងពីរនោះបានដូចមុនៗឡើយ ដែលរូបសំណាក ព្រះអង្គចេក ព្រះអង្គចម កាន់តែធ្ងន់ឡើងៗដោយគាត់ពុំអាចយកតាមខ្លួន ។
ទីបំផុត ដាប ឈួន សម្រេចចិត្តកាត់កដៃ ស្តាំរបស់ ព្រះអង្គចេក ហើយនាំយកទៅ ។ ដាប ឈួន រត់គេចខ្លួនមកទល់ដែន លោក បាន សឿន ជាអ្នកមើលការខុសត្រូវ និង អាចារ្យក្នុងដំណាក់ ព្រះអង្គចេក ព្រះអង្គចម បានមាន ប្រសាសន៍ថា គាត់ជឿណាស់ពេលបារមីខ្លាំងពូកែ ហើយពេល ដាប ឈួន រត់គេចខ្លួនហ្នឹង ក៏ព្យាយាមយករូបសំណាកទាំងពីរទៅជាមួយ តែយកមិនរួចឡើយ មិនដឹងមកពីអ្វី ។ ដូច្នេះលោក ក៏គេចខ្លួនឯង ហើយលោកក៏ត្រូវគេចាប់ខ្លួនបាន និង សម្លាប់ចោលតែម្តទៅ ។ បារមីមិនអាច ជួយគាត់បានទេ នោះប្រហែលមកពីគាត់ប្រព្រឹត្តអំពើបាបច្រើនពេក ។ លោក នៅ ហ៊ាន អតីត ជាកងទ័ពខ្មែរឥស្សរ:បានបញ្ជាក់ថា មុនពេលមានអាសន្នម្តងៗ ព្រះអង្គចេក ព្រះអង្គចម បានប្រាប់លោក ដាប ឈួន ថា លោកឪពុកមានអាសន្នហើយ ដូច្នេះលោកតែងតែរត់ គេចខ្លួនពីគ្រោះថ្នាក់បាន ។
ស្របគ្នានោះ អ្នកស្រី ខឹម ស្រណំ ដែលជាកូនប្តីក្រោយរបស់អ្នកស្រី ឧត្តម ស័ក្តិ ប្រពន្ធ ដាប ឈួន បានឲ្យដឹងថា គាត់ក៏ទទួលស្គាល់អំពីរឿងនេះតាមរយ:ម្តាយអ្នកស្រីដែរថា លោក ដាប ឈួន មានជំនឿខ្លាំងចំពោះរឿងនេះ ។ សម័យខ្មែរក្រហម ព្រះអង្គចេក ព្រះអង្គចម ក៏ត្រូវបានខ្មែរ ក្រហមយកទៅទម្លាក់ចោលក្នុងស្ទឹងសៀមរាប ហើយមិនយូរប៉ុន្មានអ្នកដែលយករូបនេះទៅ ចោលក៏ស្លាប់អស់ដែរ ។ ឆ្នាំ ១៩៨២ ព្រះចៅអធិការវត្តក៏បានយករូបនេះមកវិញ ។
យាយអតីតប្រពន្ធ លោក ដាប ឈួន និយាយថា លោក ដាប ឈួន មានប្រពន្ធប្រហែល ៧ នាក់ ប្រពន្ធទី ១ ឈ្មោះ តាំង អ៊ីម ទី ២ ឈ្មោះ ឧត្តម ស័ក្តិ… នៅពេលបានតា ដាប ឈួន ជាស្វាមី យាយ ឧត្តម ស័ក្តិ មានកូនប្រុសតែម្នាក់គត់ ដែលបានស្លាប់ក្នុងជំនាន់់ ប៉ុល ពត ។
ដាប ឈួន បានអ្នកស្រី ឧត្តម ស័ក្តិ គឺនៅពេលតស៊ូក្នុងព្រៃភ្នគូលែន ដែលភរិយាយនេះជាអតីតមេចលនានារីខ្លាំងមួយរូប ហើយល្បីខាងមន្តអាគមដូចគ្នា គឺល្បីថាមានកណ្តាញ់ផ្នែក ខាងក្រោម ហើយក៏ល្បីថាមានកន្សែងជូតមុខ ១ ពេលយកកន្សែងនោះមកជូតមុខ ២ ថ្ងៃ ជាប់ៗគ្នាគឺបាញ់មិនមុត ដុតមិនឆេះរយ:ពេល ៣ ខែ ។ ហើយបើយកកន្សែងនោះជូតមុខ បាញ់មិនមុតដុតមិនឆេះ ៣ ឆ្នាំឯណោះ ៕
No comments:
Post a Comment