ខ្មែរគួរតាំង ព្រះបរមរូប និងរូបសំណាកវីរជន

 

Colorise & Old Photos of Cambodia

June 29 · 

" ខ្មែរគួរតាំង ព្រះបរមរូប និងរូបសំណាកវីរជនបូជាលោហិត និងឈាមចំពោះជាតិអោយបានច្រើន និងគ្រប់ខែត្រក្រុង "

• ហេតុអ្វីគួរតែដាក់តាំង ? ដើម្បីអី ?

+ មែនហើយហេតុផលដែលយើងគួរតែរៀបចំ ឱ្យមានការ ដាក់តាំង និងតម្កល់ឱ្យខ្ពស់ នូវព្រះបរមរូប និងរូបសំណាកវីរជន ស្នេហាជាតិ ឬ បុគ្គលបង្កើតជាប្រវត្តិសាស្ត្រ ប្រចាំតំបន់នីមួយៗក្នុងព្រះនគរយើងនោះ គឺ ៖

១. ទាក់ទាញទេសចរតាមរយៈការ រៀបចំសួនច្បារដាក់

តាំងរូបសំណាក ( គេទៅថត ទៅកម្សាន្ត ទៅយល់ដឹង

និងទៅគោរពបូជា ) ។

២. ដើម្បីបញ្ជាក់ពីសាវតា តាមតំបន់ភូមិសាស្ត្រនីមួយៗ ។

៣. ដើម្បីជាការតបស្នងសងគុណ ចំពោះអស់លោក

បុព្វបុរស ដែលហ៊ានពលីជីវិតដើម្បី ជាតិ សាសនា

និង ព្រះមហាក្សត្រ ។

៤. ជាគ្រឿង លម្អ ឬអាចជាតំណាង ( Land Mark )

ប្រចាំតំបន់ ឃុំខែត្រនីមួយៗ ។

៥. ដើម្បីជាការដាស់តឿនរំលឹក ដល់ក្មេងជាន់ក្រោយឱ្យ

យកគម្រូជាតិនិយម តាមអស់លោកបុព្វបុរស ។ និង

ដើម្បីបញ្ជាក់ថាយើងពុំបានបំភ្លេចនូវ ពលីកម្មទាំង

ឡាយរបស់អស់លោកឡើយ និងដើម្បីឱ្យស្របតាម

សុភាសិតបុរាណខ្មែរមួយឃ្លាដែលបានពោលថា ៖

« ទូកទៅ កំពង់នៅ » ។

• តួរយ៉ាង ក្នុងព្រះរាជធានី ភំ្នពេញ យើងគួរណាស់តែដាក់តាំង ៖

- តំបន់ជ្រោយចង្វា : គួរដាក់តាំងរូបសំណាក់ « ចៅពញា

ភក្តីសង្គ្រាម ហុក និង ទាសាជំនិតម្នាក់

ឈ្មោះ នាយគោ ព្រមទាំងសុនក

មួយក្បាលផងឈ្មោះអា ស្រគំ » អ្នក

ទាំង បីនេះហើយដែលបានធ្វើដំណើរ

ទៅដណ្តើមយក ព្រះវររាជមាតា សម្តេច

ព្រះទាវ ពីកណ្តាប់ ដៃទ័ពយួន នៅតបន់

ជ្រោយចង្វានេះ ទៅថ្វាយ ព្រះបាទ

ជ័យជេស្ឋា ( អង្គសូរ ) វិញ ក្នុង គ.ស.

១៦៧៥ គួរប្រើសម្លៀកបំពាក់ឱ្យបាន

ត្រឹមត្រូវតាម សម័យកាល ។

- តំបន់ជុំវិញវត្តភ្នំ : ដាក់តាំង ព្រះបរមរូប « ព្រះចៅពញា

យ៉ាត និងរូបសំណាក ម៉ែដូនពេញ »

( មានហើយ ) ។

- តំបន់ជុំវិញព្រះបរមរាជវាំង : ដាក់តាំង ព្រះបរមរូប « ព្រះ

បាទ នរោត្តម » ជាក្សត្រដែលកសាង

វាំងចតុម្មុខសិរីមង្គល ក្រុងភ្នំពេញ ។ និង

ព្រះបរមរូប សម្តេចព្រះរាជបុត្រីព្រះរៀម

នរោត្តម បុប្ផាទេវី ដែលព្រះអង្គអ្នកជា

ទ្រទ្រង់ សិល្បៈវប្បធម៌ជាតិយ៉ាងពិត

ប្រាកដ ។

- តំបន់ក្នុងក្រុងទីណាក៏បាន : គួរដាក់តាំង រូបសំណាក់ «

លោកឧញាសន្ធរវោហា ម៉ុក » អ្នក

ប្រាជ្ញអក្សរសាស្ត្រខ្មែរ រាជសម័យព្រះ

បាទអង្គដួង ។

- តំបន់ អរិយក្សត្រ : គួរដាក់តាំង ព្រះបរមរូបនៃសម្តេចព្រះ

ភគវតី ( ព្រះរៀមថ្លៃ វ័យ ២៨ ព្រះវស្សា

នៃព្រះបាទសម្តេចព្រះស្រីសុរិយោ

ពណ៌ ឬ ព្រះបរមរាជាទី ៨ ) និង សម្តេច

ព្រះទេវី ( មាតាស្រីសុរិយោពណ៌ ? វយ័

៦៣ ព្រះវស្សា ) ព្រោះកាលដែល

ក្សត្រីយ៍ទាំងពីរអង្គ ពិរាល័យ និងសុគត

ព្រះសពនៃក្សត្រីយ៍ទាំងពីរអង្គ គឺត្រូវ

បានព្រះ ស្រីសុរិយោពណ៌ ស្តេច

ប្រទានភ្លើង បូជាក្នុងវេលាតែមួយ ទីព្រះ

មេរុដែលបូជានោះ ក្រោយមកស្តេច

ត្រាស់បញ្ជាអោយកសាងវត្តមួយ និង

ប្រទាននាមថា « វត្ត ព្រះស្រីក្សត្រយ៍ »

លុះក្រោយមកក៏នាំគ្នាហៅ « អរិយ

ក្សត្រ » វិញម្តង ។ សម្លៀកបំពាកក្នុង

ស.វ. ទី ១៧ ។

- តបន់ បុរីកីឡា : គួរដាក់តាំង ព្រះបរមរូប នៃ ព្រះស្រីរាជា

ដែលជាបុត្រារបស់ ចៅពញា យ៉ាត

ព្រោះទីនេះកាលពី គ.ស. ១៤៣៧ គឺជា

ព្រះរាជដំណាក់ របស់ព្រះអង្គ ។ បុរីកីឡា

កាលពីរជ្ជកាលមុនសម័យសង្គម

រាស្ត្រនិយម តំបន់នេះគេហៅថា « ទួល

ព្រះស្រីរាជា » គឺជាតំបន់កប់ខ្មោចពីបរម

បុរាណ ដែលល្បីខ្លាំងរឿងខ្មោចលង ។

ឯអ្នកខ្លះទៀតនាំគ្នាហៅថា « ទួលព្រះ

ស្រី » ។

- តំបន់ជុំវិញ សាលចតុម្មុខ : ទីនេះមានឈ្មោះដើមថា « ភូមិ

ជ្រោយរលួស » នៅ គ.ស. ១៤៣៧

គឺជាព្រះរាជដំណាក់ នៃ សម្តេចព្រះរាជ

ឱរសរតនវឌ្ឍនាតិវេក ឯកអគ្គឧត្តម បរម

មហាឧបរាជ ឥស្សរាធិបតីបរមបពិត្រ ព្រះ

នរាយណ៍រាជា ( វ័យ ២៣ព្រះវស្សា )

ជាបុត្រាច្បងរបស់ ចៅពញា យ៉ាត ។

- តំបន់ព្រែកលាភ : គួរដាក់តាំង ព្រះបរមរូបនៃ សម្តេចព្រះ

អង្គ អេង ព្រោះទីនេះជាទីប្រសូតរបស់

ព្រះអង្គពីឧទរព្រះមាតា អ្នកម្នាង ជ័យ

កាលនោះសម្តេចព្រះនរាយណ៍រាជាធិរាជ

ដែលជាព្រះបិតាស្តេចត្រាស់បង្គាប់ឱ្យប្តូរ

ឈ្មោះតំបន់នោះដែលកន្លងមកធ្លាប់ហៅ

ថា « ព្រែកពាកព្រាក់ » ទៅជា «

ព្រែកមានលាភ » វិញលុះយូរទៅក៏នាំគ្នា

ហៅថា « ព្រែកលាភ » វិញម្តង ។

- តំបន់ច្បារអំពៅ : ក្បែរស្ពានព្រះមុនីវង្ស ( ស្ពានច្បារ

អំពៅ ) គួរដាក់តាំង រូបសំណាក់ របស់

លោកឧកញារាជសេនា កែវ ក្រោយមក

ក៏ឡើងឋានៈជា លោកឧញាក្រឡាហោម

កែវ វិញម្តង ។ លោកគឺជាមេទ័ពដ៏ក្លាហាន

របស់សម្តេចព្រះស្រីសុរិយោពណ៌ តំបន់

នោះហើយដែលជាជ័យភូមិ របស់លោក

ក្នុងការវាយកំទេចទ័ព ក្បត់របស់ នាយ

កែវព្រះភ្លើង អោយរត់រអែករអោក បែក

ខ្ចាត់ខ្ចាយអស់ ។ រហូតមកតំបន់នោះក៏ត្រូវ

បានប្រទាននាម ដោយស្តេចផែនដីថា «

តំបន់ជ្រោយរអែករអោក » យូរៗទៅក៏

ក្លាយហៅថា « ជ្រោយអាឱក ៗ » វិញ

ឯស្ពាន ច្បារអំពៅទៀតសោតពីដើមគេ

ហៅថា « ស្ពានជ្រោយ អាឱក » ។

- ខែត្រស្វាយរៀង : គួរដាក់តាំងរូបសំណាក លោកឧកញា

ឆ្នើមនគរ កែប ដែលជាមេទ័ពខ្មែរហ៊ាន

វាយដណ្តើមយកមកវិញនូវតំបន់ភាគខាង

កើតមាន ខែត្ររោងដំរី ស្វាយទាប ស្វាយ

ជ្រុំ ស្វាយរៀង ពីទ័ពយួន ។ និងព្រះបរមរូប

សម្តេចព្រះពុទ្ធាចារ្យ ភូវិញ្ញាណោ ហ៊ី ជា

សម្តេចព្រះសង្ឃ នៃគណៈធម្មយុត្តិក

និកាយ ដែលមានដើមកំណើតក្នុងខែត្រ

ស្វាយរៀង ។

- ខែត្រកំពង់ឆ្នាំង : តំបន់ទីរួមស្រុករលាផ្អៀ ឬទីណាក៏បាន

គួរដាក់តាំងរូបសំណាក ឃុនព្រះម៉ែម្នាង

គន្ធរបុប្ផាស៊ី ហៅឃុន ម៉ៈហ្វឿង ដែលជា

អ្នកសុំព្រះកិច្ចអន្តរាគមន៍ពីហ្លួង ស៊ីសុវត្ថិ

ដើម្បីព្រះអង្គរាជានុញ្ញាតប្តូរឈ្មោះ « ឃុំ

តិរិច្ឆាន »ទៅជា « ឃុំក្រាំងលាវ » វិញ ។

សម្លៀកបំពាក់ គួរប្រើឱ្យចំសម័យកាល ។

- អត្ថបទរក្សាសិទ្ធិដោយគេហទំព័រ Colorise & Old Photos of Cambodia

By: Leak NCee