យល់ដឹងអំពីគោរមងារ ឃុន, ម៉ម, និង អ្នកម្នាង

 “ យល់ដឹងអំពីគោរមងារ ឃុន, ម៉ម, និង អ្នកម្នាង “

• ជាចម្ងល់ដែលប្រិយមិត្តអ្នកអាន និងអ្នកសិក្សាស្រាវជ្រាវតែងតែចោទសួរមកខាងយើងខ្ញុំជារឿយៗ ។ ថ្ងៃនេះគេហទំព័រ Colorise & Old Photos of Cambodia សូមអុចចន្លុះបំភ្លឺជាប្រទីប បំបាត់មន្ទិលសង្ស័យរបស់ប្រិយមិត្តអ្នកអាន និងអ្នកសិក្សាស្រាវជ្រាវឱ្យបានយល់ដឹងអំពី អត្ថន័យនៃគោរមងារ « ឃុន ,ម៉ម,និង អ្នកម្នាង » ដែលយើងនឹងអធិប្បាយប្រាយប្រាប់ដូចខាងក្រោមនេះ ៖

- ពាក្យ « ឃុន » ក្នុងសម័យបុរាណ គោរមងារនេះ

ហៅបានតែចំពោះបុរសដែលមាន

បណ្ដាស័ក្ដិបួនហ៊ូពាន់តែប៉ុណ្ណោះ ( មាន

អំណាចត្រួតពលបានបួនពាន់នាក់ ) លុះ

មកដល់រាជ្យព្រះករុណា អង្គ ដួង

រាងមក គោរមងារ នេះត្រូវបានហ្លួង

ប្រទានឱ្យទាំងបុរសទាំងស្ត្រីណា ដែល

ជាអ្នកផ្តល់ជាប្រយោជន៍ចំពោះផែនដី

( មានគ្រូរបាំគ្រូតន្ត្រី ) ឬជាបាទបរិចាកា

និងព្រះញាតិវង្សនៃហ្លួង ដែលមាន :

១. ឃុន ជុត ចម ( មហេសី អង្គ ដួង )

២. ឃុនព្រះញាតិ អ្នក ឡឹក ( មហេសី នរោត្តម )

៣. ឃុនព្រះម្នាង គន្ធបុប្ផាស៊ី (មហេសី ស៊ីសុវត្ថិ)

៤. ឃុនព្រះម៉ែម្នាង បុប្ផានរលក្ខណ៍ មាឃ

( មហេសីហ្លួង ស៊ីសុវត្ថិ មុនីវង្ស )

៥. ឃុនទេពធីតារបាំ គ្រីប

( មហេសីព្រះអង្គម្ចាស់ ស៊ីសុវត្ថិ រដ្ឋារី )

៦. ឃុនទេពកញ្ញាសោភា យៀប គីម អាន

( មហេសីហ្លួង នរោត្តម សុរាម្រិត )

៧. ឃុនប្រសើរលេខា ( គ្រូគូរក្បាច់ក្រណាត់ )

៨. ឃុនសំនៀង គម ( គ្រូរនាតឯក )

៩. ឃុន រងំសម្លេង សេក អ៊ួច ( គ្រូស្រឡៃ )

១០. ឃុនព្រះសណ្តាប់ សំ កេត ( គ្រូសម្ភោរ ) ។

+ បញ្ជាក់បើគោរមងារទី “ ឃុន “ បន្ថែមពាក្យ

“ ចៅ “ នៅពីមុខទៅជា “ ចៅឃុន “

គោរមងារនេះនឹងឡើងខ្ពស់ជាងទី “ ឃុន “

ទទេ ។ ដូចយ៉ាង :

១. ចៅឃុនប្រយូរវង្ស ប៉ាត់

២. ចៅឃុន ប៉ុម ពាង ។

- ពាក្យ « ម៉ម » ជាគោរមងាដែលហ្លួងស្តេចសព្វ

ព្រះរាជហឫទ័យប្រទានឱ្យចំពោះតែស្ត្រី

ដែលជាបាទបរិចារិកានៃហ្លួង ។

គោរមងារ “ ម៉ម “នេះឋានៈ​ខ្ពស់ជាងទី

“ អ្នកម្នាង “ តែទាបជាងទី “ ឃុន “ និង

ប្រើតាំងតែពីរជ្ជកាលបរមបុរាណរាងមក

ដែលមានដូចជា :

១. ម៉ម នូណាម ( រជ្ជកាលហ្លួង ស៊ីសុវត្ថិ )

២. ម៉ម អ៉ីត ( រជ្ជកាលហ្លួង ស៊ីសុវត្ថិ )

៣. ម៉ម ប៉ុង ( រជ្ជកាលហ្លួង មុនីវង្ស )

៤.ម៉ម ឆាវរី ( រជ្ជកាលហ្លួង មុនីវង្ស )

៥. ម៉ម ម៉ានីវ៉ាន់ ផានីវង្ស ឬម៉ម លាវ

( មហេសី ហ្លួង នរោត្តម សីហនុ ) ។ល។

- ពាក្យ « អ្នកម្នាង » ជាគោរមងារថ្នាក់ទី ៥ ក្នុងលំដាប់

ចៅចម ទាំង ៦ថ្នាក់ ។ គោរមងារនេះ

មានប្រើតាំងតែពីបរមបុរាណរាងមក

ទៀតសោតហ្លួងប្រទានចំពោះតែស្ត្រី

ដែលជារាស្ត្រសាមញ្ញ ហើយត្រូវបាន

ហ្លួងលើកជាបាទបរិចារិកា ។ គោរមងារ

ទី “ អ្នកម្នាង “ មានឋានៈទាបជាងទី

“ ម៉ម “ ដែលមានដូចជា :

១. អ្នកម្នាង ក្រប៉ា មាស ( មហេសី អង្គ ដួង )

២. អ្នកម្នាង ខាំ ( មាតាព្រះអង្គម្ចាស់ ស៊ីវត្ថា )

៣. អ្នកម្នាង ប្រាំងវ៉ាង ( មហេសី មុនីវង្ស )

៤. អ្នកម្នាង ស្រម៉ូវ ( មហេសី មុនីវង្ស )

៥. អ្នកម្នាង ប៉ុក វ៉ាណ ( មហេសីសម្តេចក្រុម

ព្រះ ស៊ីសុវត្ថិ មុនីរ៉េត )

៦. អ្នកម្នាង អ៊ុក ផល្លា ( មហេសីសម្តេចក្រុម

ព្រះ នរោត្តម រណឫទ្ធិ ) ។ល។

- នេះជាឆាយាអនុស្សាវរីយ៍ ម៉ម នូ ( ពាក់កន្លាស់ រូបចាបដ៏មានអំណាច ) និងមហេសីមួយអង្គទៀតនៃហ្លួង ស៊ីសុវត្ថិ ។

- ឯកសារយោង ៖ វចនានុក្រម សម្តេចសង្ឃរាជ ជួន ណាត

វចនានុក្រម ពុទ្ធសាសនបណ្ឌិត្យ

- កែរសម្រួលនិងរក្សាសិទ្ធិដោយគេហទំព័រ Colorise & Old Photos of Cambodia

By: Leak NCee