ព្រះមហាក្សត្រិយានីខ្មែរទាំង ៨ រជ្ជកាល

 “ ព្រះបរមមហាឆាយាល័ក្ខណ៍អនុស្សាវរីយ៍ នៃព្រះមហាក្សត្រ ព្រះមហាក្សត្រិយានីខ្មែរទាំង ៨ រជ្ជកាល “

• ដើម្បីជាការរំឭកដល់ព្រះគុណូបការៈ ដ៏មហាធំធេងកាត់ថ្លៃពុំបាន នៃអតីតព្រះមហាក្សត្រ ព្រះមហាក្សត្រិយានីខ្មែរ ។ ថ្ងៃនេះអភិបាលគេហទំព័រ Colorise & Old Photos of Cambodia សូមផ្សាយថ្វាយ និងជូននូវ អត្ថបទសង្ខេបស្តីអំពីព្រះរាជសកម្មភាព ជាតិនិយម នៃព្រះមហាក្សត្រ ព្រះមហាក្សត្រិយានី ខ្មែរទាំង ៨រជ្ជកាល ។ សូមសម្តេច ព្រះអង្គម្ចាស់ ព្រះអង្គម្ចាស់ក្សត្រីយ៍ អ្នកអង្គម្ចាស់ អ្នកអង្គម្ចាស់ក្សត្រីយ៍ អ្នកអង្គរាជវង្ស ចៅជិត ចៅចម ម៉មព្រះបរមវង្សានុវង្ស និងប្រិយមិត្តអ្នកអាន អញ្ជើញយាងទត និងទស្សនាដូចតទៅ ៖

១. សម្តេចព្រះហរិរក្សរាមាធិបតី ព្រះអង្គ ដួង ស្តេចឡើង

គ្រងព្រះបរមសិរីរាជ្យសម្បត្តិ ក្នុងឆ្នាំ ១៨៤៧ដល់ ១៨៦០

ព្រះអង្គជាព្រះមហាក្សត្រមួយអង្គ ដែលប្រកបដោយ

ទសពិធរាជធម៌ ។ ព្រះអង្គទ្រង់យកព្រះទ័យទុកដាក់រៀប

ចំឱ្យមានសន្តិភាព ក្នុងប្រទេស និងឱ្យមានរបៀប

រៀបរយនៅក្នុងរាជការ ។ គ្រាដែលរាជការក្រុងទេព

បង្ខិតបង្ខំព្រះអង្គឱ្យប្រគល់ខែត្រ ម្លូព្រៃ និងទន្លេពៅ

ទៅសៀម ។ ព្រះអង្គ ទ្រង់ព្រះបរមរាជសាសន៍

( សរសេរសំបុត្រតបទៅវិញ )

ទៅព្រះចៅក្រុងសៀមថា ៖ « ខ្ញុំ មិនឲ្យអ្វីទាំងអស់

ទៅសៀមឡើយ ប៉ុន្តែដោយសារពេលនេះ សៀម

មានកម្លាំងខ្លាំងជាង សៀមអាចកាន់កាប់ជាបណ្តោះ

អាសន្ន នូវអ្វីៗ ដែលសៀមបានរឹបអូស យកពីកម្ពុជាទៅ

» ។

២. ព្រះករុណាព្រះបាទសម្តេចព្រះ នរោត្ដម ព្រហ្មបរិរក្ស

ស្តេចឡើងគ្រងព្រះបរមសិរីរាជ្យសម្បត្តិ ក្នុងឆ្នាំ ១៨៦០

ដល់ ១៩០៤ ព្រះអង្គជាព្រះមហាក្សត្រមួយអង្គ ដែល

បានឡាយព្រះហស្ថលេខាស្តី ពីការដាក់ប្រទេស

កម្ពុជានៅក្រោមការការពារនៃអាណានិគមបារាំង

ដើម្បីគេចផុតពីការលេបត្របាក់ទឹកដីពីរាជការសៀម

និងយួន ។ ប្រទេសកម្ពុជាក៏បានធ្លាក់ទៅក្រោមការគ្រប់

គ្រងរបស់បារាំងដោយក្លាយជារដ្ឋឯករាជ្យរបស់អាណា

ព្យាបាលបារាំងសែសបើទោះបីជាមានអធិបតេយ្យភាព

ផ្ទាល់ខ្លួនហើយក៏ដោយ ។

៣. ព្រះករុណាព្រះបាទសម្តេចព្រះ ស៊ីសុវត្ថិ ស្តេចឡើង

គ្រងព្រះបរមសិរីរាជ្យសម្បត្តិ ក្នុងឆ្នាំ ១៩០៤ ដល់ឆ្នាំ

១៩២៧ ព្រះអង្គជាព្រះមហាក្សត្រមួយអង្គ ដែល បាន

ទាមទារយកមកវិញនូវដែនដីប៉ែកពាយ័ព្យដែល មាន

ខែត្រសៀមរាប បាត់ដំបង និងសិរីសោភ័ណ ពីសៀម ។

៤. ព្រះករុណាព្រះបាទសម្តេចព្រះ ស៊ីសុវត្ថិ មុនីវង្ស ស្តេច

ឡើងគ្រងព្រះបរមសិរីរាជ្យសម្បត្តិ ក្នុងឆ្នាំ ១៩២៧ ដល់

ឆ្នាំ ១៩៤១ ក្នុងផែនដីរបស់ទ្រង់ ព្រះអង្គបានចាត់ឱ្យ សាង

សង់ស្ពានព្រះមុនីវង្ស ( ច្បារអំពៅ ) កសាងសាលាបាលី

ជាន់ខ្ពស់ និងក្រុមជំនុំព្រះត្រៃបិដក និងកសាង រាជ

ស្ថានីយ អយស្ម័យយាន ។ល។

៥. ព្រះករុណាព្រះបាទសម្តេចព្រះ នរោត្តម សីហនុ ស្តេច

ឡើងគ្រងព្រះបរមសិរីរាជ្យសម្បត្តិលើកទី១ ក្នុងឆ្នាំ

១៩៤១ ដល់១៩៥៥ ជាព្រះមហាក្សត្រដ៏មានព្រះគុណ

លើសលប់នៃកូនចៅប្រជាពលរដ្ឋខ្មែរ ជាក្សត្រដែល

ដណ្តើមមកវិញនូវឯករាជ្យភាពជាតិ ជូនកូនចៅប្រជា

ពលរដ្ឋ ។

៦. ព្រះករុណាព្រះបាទសម្តេចព្រះ នរោត្តម សុរាម្រិត

ស្តេចឡើងគ្រងព្រះបរមសិរីរាជ្យសម្បត្តិ ក្នុងឆ្នាំ ១៩៥៥

ដល់ ១៩៦០ ក្នុងផែនដីព្រះអង្គស្តេចសព្វព្រះ

រាជហឫទ័យនិងអ្នកសិក្សាជាអនេក ព្រះអង្គគាំទ្រនិង

លើកទឹកចិត្តបញ្ជួន និសិ្សតខ្មែរឱ្យទៅសិក្សានៅ

ឯបរទេស ដើម្បីយកចំណះវិជ្ជាយកមកស្រោចស្រង់

ជាតិដ៏ជាទីស្នេហារបស់ព្រះអង្គ ។

៧. សម្តេចព្រះមហាក្សត្រិយានី ស៊ីសុវត្ថិ មុនីវង្ស កុសមៈ

នារីរតន៍ សិរីវឌ្ឍនា ស្តេចឡើងគ្រងព្រះបរមសិរីរា

ជ្យសម្បត្តិ ក្នុងឆ្នាំ ១៩៦០ ដល់ឆ្នាំ ១៩៧០ ព្រះអង្គជាអ្នក

គាំទ្រ និងលើកស្ទួយសិល្បៈវប្បធម៌ជាតិខ្មែរយ៉ាង

សម្បើម ។ ព្រះអង្គតែងតែទំនុកបម្រុងប្រទានព្រះរាជ

ទ្រព្យផ្ទាល់របស់ព្រះអង្គ ក្នុងការចំណាយទូទៅពេល

តម្លើងល្ខោនព្រះរាជទ្រព្យម្តងៗ ។

៨. ព្រះករុណាព្រះបាទ សម្តេចព្រះ នរោត្ដម សីហមុនី

ស្តេចឡើងគ្រងព្រះបរមសិរីរាជ្យសម្បត្តិ ក្នុងឆ្នាំ ២០០៤

មកដល់បច្ចុប្បន្ន ព្រះអង្គជាព្រះមហាក្សត្រដ៏ស្ងៀមស្ងាត់

ប្រកបដោយទសពិធរាជធម៌ ក្នុងផែនដីរបស់ព្រះអង្គ កូន

ចៅប្រជាពលរដ្ឋខ្មែរ រស់នៅប្រកបដោយសុខសន្តិភាព

និងភាពសម្បូរសប្បាយ ។

- រក្សាសិទ្ធិ @រចនា និងស្រាវជ្រាវដោយគេហទំព័រ Colorise & Old Photos of Cambodia

By: Leak NCee