ហោព្រះធម្មសង្វេគ

អត្ថបទដកស្រង់ចេញពី  Colorise & Old Photos of Cambodia

ថ្ងៃនេះគេហទំព័រ Colorise & Old Photos of Cambodia យើងសូមបង្ហោះផ្សាយជូនពី ហោតម្កល់ព្រះបរមសព មួយដែលធ្លាប់បានសាងសង់ក្នុងបរិវេណ ព្រះបរមរាជវាំង ក្រុងចតុម្មុខសិរីមង្គលយើងកាលពីរាជ្យសម័យបុរាណជាន់ចាស់ នោះគឺ « ហោព្រះធម្មសង្វេគ » ។

 “ ប្រវត្តិនៃការសាងសង់ ហោព្រះធម្មសង្វេគ ទីតម្តល់ព្រះបរមសពក្នុងព្រះបរមរាជវាំង និងព្រះបរមសពដែលបានតម្កល់ក្នុងហោ នេះមុនគេបង្អស់ “ 

 • ពាក្យ « ហោ » ក្នុងវចនានុក្រមខ្មែរមានន័យយ៉ាងទូលំ ទូលាយពេកពិត ។ បើតាមនាមសព្ទខ្មែរ ត្រង់នេះយើងប្រើសម្រាប់ហៅ រោង ឬ មន្ទីរដែលជាកន្លែងសម្រាប់ដាក់ របស់របរមានតម្លៃផ្សេងៗក្នុងបរិវេណវត្តឬព្រះបរមរាជវាំងជាដើម ។ ដូចយ៉ាងមាន ហោគ្រឿង , ហោព្រះសព និង ហោត្រ័យ ជាដើម...។ល។ 

     ហោព្រះធម្មសង្វេគ ត្រូវបានសាងសង់ឡើងពីរបីខែ ក្រោយពីការសោយព្រះពិរាល័យនៃសម្តេចព្រះស្រីសុទ្ធានា ធម្មចរិយា អ្នកម៉ែនាង ប៉ែន តាមការត្រាស់បង្គាប់ពីព្រះករុណាជាអម្ចាស់ជីវិតតម្កល់លើត្បូង ព្រះបាទសម្តេចព្រះ នរោត្តម ព្រហ្មបរិរក្ស ក្នុងព្រះពុទ្ធសករាជ ២៤៣៨ ចំនឹងឆ្នាំបារាំង ១៨៩៥ ។ ហោព្រះធម្មសង្វេគនេះសាងសង់បែរមុខទៅទិសខាងកើត និងមានទីតាំងនៅខាងជើង ព្រះទីន័ងពិមានអាកាស និងមាននាទីសម្រាប់តែតម្កល់ព្រះបរមសព តែមួយមុខគត់ ។ នៅថ្ងៃព្រហស្បតិ៍ ៣រោច ខែ ពិសាខ ឆ្នាំដដែល ព្រះករុណាជាអម្ចាស់ផែនដី ព្រះបាទសម្តេចព្រះ នរោត្តម ទ្រង់ត្រាស់បង្គាប់មន្ត្រីខ្ញុំរាជការ បារគូ ព្រាហ្មណ៍ព្រឹទ្ធ បណ្ឌិតអ្នកកាន់ទំនៀម ឱ្យទៅអញ្ជើញព្រះកោដ្ឋសុវណ្ណ នៃព្រះវររាជមាតាអ្នកម៉ែនាង ប៉ែន លើកឡើងតម្កល់លើព្រះរាជមហាបុស្បុក មានបាំងព្រះក្លស់ធំ អភិរម្យ សែនត្វ័ន ចាមរ បៃមន សាលុតកាំភ្លើង ប្រគុំភ្លេងពិណពាទ្យថ្វាយកងរំពង ហែព្រះបរមសពចេញពីព្រះរាជរោង ព្រះបរមរាជវាំង ស្រះសារពើយុធ ក្រុងឧត្តុង្គមានជ័យ តាមផ្លូវថ្នល់ចុះមកកំពងហ្លួង រួចហែចុះមកតម្កល់លើព្រះទីន័ងនាវា ឆ្ពោះមកតម្កល់ក្នុងហោព្រះធម្មសង្វេគ ក្នុងព្រះបរមរាជវាំងក្រុងភ្នំពេញ វិញ ។ ដូច្នេះព្រះបរមសពដំបូងបង្អស់ដែលបាន តម្កល់ក្នុងហោ នេះគឺព្រះបរមសព សម្តេចព្រះស្រីសុទ្ធានា ធម្មចរិយា អ្នកម៉ែនាង ប៉ែន អតីតព្រះអគ្គមហេសីនៃ សម្តេចព្រះហរិរក្សរាមាឥស្សរាធិបតី ព្រះអង្គដួង និងត្រូវជាព្រះវររាជមាតានៃហ្លួង នរោត្តម ។ យើងគ្រាន់តែដឹងថា ហោព្រះធម្មសង្វេគ នេះត្រូវបានរុះរើចេញ ក្នុងដើមផែនដីហ្លួង ស៊ីសុវត្ថិ តែយើងពុំបានដឹងអំពីឆ្នាំជាក់លាក់ឡើយ ។ 

 - នេះជារូប ហោព្រះធម្មសង្វេគ ( ស្តាំ ) និងព្រះទីន័ង ពិមានអាកាស ( ឆ្វេង )  ក្នុងបរិវេណព្រះបរមរាជវាំងចតុម្មុខសិរីមង្គល ក្រុងភ្នំពេញ ។ 

- ឯកសារយោង ៖ • ឯកសារមហាបុរសខ្មែរភាគ ៧ ស្រាវ

                            ជ្រាវដោយ សាស្ត្រាចារ្យ អេង សុត ។ 

                          • សារ៉ាម៉ានី ដោយ Roland Meryer ។ 

                          • The Royal Cremations of 

                             Norodom and Norodom 

                             Sihanouk, Kings of Cambodia 

                             by Sir :  Jim Mizerski . 

  - @រក្សាសិទ្ធិដោយគេហទំព័រ Colorise & Old Photos of Cambodia 

By: Leak NCee

ព្រះទម្រង់អសិ(ដាវ)មាស

អត្ថបទដកស្រង់ចេញពី

ព្រះទម្រង់អសិមាស ឬ ព្រះសែងយីប៉ុន(ជប៉ុន)ជាព្រះទម្រង់អសិ(ដាវ)មាសមួយប្រភេទ ដែលមានដងនិងស្រោមធ្វើពីមាស បណ្តោយផ្លែប្រវែង ៦៦សង់ទីម៉ែត្រ និង ទទឹងផ្លែ ២.៥ សង់ទីម៉ែត្រ ​មានក្បាំងមូលបែបក្បាំងដាវជប៉ុន ស្រោបមាស ដាំត្បូងទទឹមជុំវិញ មានដងប្រវែង២៤.៥សង់ទីម៉ែត្រ ស្រោបមាសហើយចាក់ស្រេះដោយខ្សែរសូត្រពណ៌មាស។ ស្រោមមាសមានក្បាច់ប្រវែង៦៧.៥សង់ទីម៉ែត្រ នៅលើស្រោមពីខាងស្តាំមានបង្កប់កាំបិតតូច១ ប្រវែង២៦សង់ទីម៉ែត្រ ដងមាស។

ព្រះទម្រង់នេះប្រើប្រាស់សម្រាប់ហែរតាមព្រះមហាក្សត្រគ្រប់ទីកន្លែងដែលស្តេចយាង និងដង្ហែរតាមព្រះរាជពិធីផ្សេងៗ មានមួយគូរ ដោយមួយកាន់ថ្វាយដោយស្ត្រីរាជបម្រើ និងមួយទៀតកាន់ថ្វាយដោយក្រុមមហាតលិក។ ព្រះទម្រង់នេះត្រូវបានប្រើប្រាស់រហូតដល់រាជ្យ ព្រះបាទស៊ីសុវត្ថិ មុនីវង្ស។

អំពីទំនៀមអញ្ជើញព្រះទម្រង់អសិមាសឬព្រះសែងជប៉ុនក្នុងរជ្ជកាលព្រះបាទស៊ីសុវត្ថិ និងព្រះបាទស៊ីសុវត្ថិមុនីវង្ស

ព្រះទម្រង់អសិនេះមាន២អង្គ​សម្រាប់អញ្ជើញហែរតាមព្រះករុណាគ្រប់ខណៈដែលស្តេចយាងបំពេញរាជកិច្ច។ អង្គទីមួយអញ្ជើញដោយពួកស្ត្រីខ្ញុំរាជការ នៅពេលពេលដែលព្រះករុណាបំពេញរាជកិច្ចក្នុងព្រះបរមរាជវាំងជាន់ក្នុង ឬរាជកិច្ចដែលមិនមានមុខងាររបស់ក្រុមមហាតលិក។ អង្គទីពីរ អញ្ជើញដោយក្រុមមហាតលិកនៅពេលពេលដែលព្រះករុណាបំពេញរាជកិច្ចក្នុងព្រះបរមរាជវាំងជាន់ក្រៅ ឬរាជកិច្ចដែលមិនមានមុខងាររបស់ពួកស្ត្រីខ្ញុំរាជការ ។

ព្រះទម្រង់អសិអង្គទីពីរ ត្រូវបានប្រើប្រាស់រហូតដល់រជ្ជកាលព្រះបាទស៊ីសុវត្ថិ ទើបឈប់ប្រើដោយទ្រង់សាងព្រះទម្រង់អសិថ្មីមួយអង្គទៀត។ ចំណែកព្រះទម្រង់អសិអង្គទី១ប្រើបន្តរហូតដល់ចប់រជ្ជកាលព្រះបាទស៊ីសុវត្ថិមុនីវង្ស លុះដល់រជ្ជកាលព្រះបាទនរោត្តម សីហនុ ទើបទ្រង់ត្រាស់អោយយកទៅតម្កល់ទុកក្នុងសារមន្ទីរព្រះបរមរាជវាំង។

តាមច្បាប់ទម្លាប់ពីបុរាណ ប្រសិនបើព្រះមហាក្សត្រទ្រង់ព្រះពិរោធនិងនរណាម្នាក់ខ្លាំង ហើយត្រាស់អោយ ក្រុមមហាតលិកឬ ពួកស្ត្រីខ្ញុំរាជការយកព្រះទម្រង់អសិមកថ្វាយដើម្បីទ្រង់នឹងប្រហារនរណាម្នាក់ តាមច្បាប់ទម្លាប់ពីបុរាណ គឺហាមដាច់ខាតមិនអោយនរណាយកព្រះទម្រង់អសិទៅថ្វាយព្រះអង្គឡើយ ប្រសិនបើអ្នកណាយកទៅហ៊ុចថ្វាយគឺអ្នកនោះត្រូវមានទោស​ ក្រុមអ្នកអញ្ជើញព្រះទម្រង់អសិ ត្រូវនៅស្ងៀម លុះត្រាតែស្តេចយាងទៅយកដោយព្រះអង្គឯង។

លោក ជូ អេនឡាយ

 ព្រះបរមឆាយាល័ក្ខណ៍ អនុស្សាវរីយ៍នៃសម្តេចហ្លួងទួត ព្រះមហាក្សត្រិយានី សុីសុវត្ថិ មុនីវង្ស កុសមៈ នារីរតន៍ សិរីវឌ្ឍនា ក្នុងព្រះពស្រ្ត ស ស្តេចយាងទទួលស្វាគមន៍ លោក ជូ អេនឡាយ នាឱកាសដំណើរទស្សនកិច្ចផ្លូវការ និងអញ្ជើញមកគោរពព្រះវិញ្ញាណក្ខន្ធ ព្រះបរមសព ព្រះករុណា ព្រះបាទសម្តេចព្រះ នរោត្តម សុរាម្រឹត ដែលតម្កល់ក្នុង ព្រះទីន័ងមហាប្រាសាទ ទេវាវិនិច្ឆ័យ ។

- ថត គ.ស. ១៩៦០

Colorise & Old Photos of Cambodia

By: Leak NCee

ហ្លួង មុនីវង្ស " ព្រះអគ្គមហេសី និងព្រះជាយា ទាំង ១៦អង្គ "

" ព្រះអគ្គមហេសី និងព្រះជាយា ទាំង ១៦អង្គនៃហ្លួង មុនីវង្ស "

១. សម្តេចព្រះអគ្គមហេសី មហាក្សត្រីយ៍ នរោត្តម កញ្ចនវិមាន នរលក្ខ័ ទេវី

២. អ្នកអង្គម្ចាស់ក្សត្រីយ៍ សុីសុវត្ថិ សុីសុដា

៣. អ្នកម្នាង គឹម ហូ

៤. ឃុនព្រះម៉ែម្នាង បុប្ផា នរលក្ខ័ មាឃ

៥. ឃុនព្រះម្នាង បុប្ផា នរលក្ខ័ បវរ សៅខន

៦. ឃុនព្រះម្នាង បុប្ផា អនង្គ លក្ខិណា បាន យ៉េន

៧. ឃុនព្រះម្នាង បុប្ផា នរលក្ខ័ យិន តាត

៨. ឃុនព្រះម្នាង កេសរ មាលី ណាត

៩. ឃុនព្រះម្នាង នារី កេសរ យឹង ត្រយ៉ង់

១០. ឃុនព្រះម្នាង នារិន្រ្ទ កេតសន អុល

១១. អ្នកម្នាង បវរ មាលី ពាង

១២. អ្នកម្នាង នារី បុប្ផា ភាព

១៣. អ្នកម្នាង កានីន

១៤. អ្នកម្នាង ឆវី កេសរ សាមូ

១៥. ម៉ម ឌួងមុនីរក្ស អុស

១៦. អ្នកម្នាង នារីសុីសាមាន នារី

• ក្រៅអំពី ព្រះអគ្គមហេសី និងព្រះជាយា ទាំង ១៦អង្គខាងលើនេះ ហ្លួងនៅមាន ស្រីស្នំជាច្រើនផ្សេងទៀត ។

- ប្រភព៖ Km.m.wikipedia.org

- នេះជាព្រះឆាយាលក្ខណ៍ នៃ ព្រះបាទសម្តេចព្រះ សិរីមុនី វរ័្មន ក្រុមហ្លួង ចៅចក្របាងស្ស សុីសុវត្ថិ មុនីវង្ស នៃព្រះរាជាណាចក្រ កម្ពុជា ។

Colorise & Old photos of Cambodia

By: Leak NCee

" The 16 concubines of King Sisowath Monivong "

1. Queen Preah Akeak Mohesei Moha Kasatri Norodom Kanhchanak Vimean Norleak Devi

2. Princess Sisowath Sisoda

3. Neak Moneang Kim Ho

4. Khun Preah Mea Moneang Bopha Norleak Meak

5. Khun Preah Moneang Bopha Norleak Bovor Saokhon

6. Khun Preah Moneang Anong Leakhena Ban Yen

7. Khun Preah Moneang Bopha Norleak Yin Tath

8. Khun Preah Moneang Kesor Meali Nat

9. Khun Preah Moneang Neary Kesor Yem Trayang

10. Khun Preah Moneang Nearin Ketson Ol

11. Neak Moneang Bovor Meali Phieng

12. Neak Moneang Neary Bopha Pheap

13. Neak Moneang Kanin

14. Neak Moneang Chorvi Kesor Samoo

15. Mam Doung Monirak Ous

16. Neak Moneang Nearisisaman Neary

• Besides the 16 concubines above King Sisowath Monivong had more other consorts .

- This is a photo of King Preah Bath Samdach Preah Serey Moni Voramann Krum Loung Chao Chakrabang Sisowath Monivong the King of kingdom of Cambodia.

ព្រះបាទ អង្គដួង និង ព្រះរាជបុត្រាទាំង ១០អង្គ

១. ព្រះបាទសម្តេចព្រះ នរោត្តម ព្រះចៅក្រុងកម្ពុជា ( អង្គ វត្តី ឬអង្គច្រឡឹង )

២. ព្រះបាទសម្តេចព្រះ សិរីសុវត្ថិ ព្រះចៅក្រុងកម្ពុជា ( អង្គសម្អរ )

៣. ព្រះអង្គម្ចាស់ សុីវុត្ថា

៤. សម្តេចព្រះអង្គម្ចាស់ អង្គដួង សិរីវង្ស

៥. សម្តេចព្រះអង្គម្ចាស់ អង្គដួង ចន្ថាវង្ស

៦. សម្តេចព្រះអង្គម្ចាស់ អង្គដួង ណុបផារត្នន៍

៧. សម្តេចព្រះអង្គម្ចាស់ អង្គដួង កែវ មនោ

៨. សម្តេចព្រះអង្គម្ចាស់ អង្គដួង សុវណ្ណវង្ស

៩. ព្រះអង្គម្ចាស់ អង្គដួង ទ្រហោ

១០. ព្រះអង្គម្ចាស់ អង្គដួង និល្លវង្ស

- នេះគឺជាព្រះឆាយាលក្ខណ៍ នៃព្រះបាទសម្តេចព្រះ សិរីសុវត្ថិ ពេលដែលហ្លួង ជរា ។

• គួរបញ្ជាក់ដែរថា ក្រៅអំពីព្រះរាជបុត្រា ទាំង ១០ អង្គនេះព្រះបាទអង្គដួង ហ្លួងនៅមានព្រះរាជបុត្រី ១៩អង្គទៀត ដែលទាំង ២៩អង្គនេះគ្រាន់តែជា បុត្ររបស់ព្រះអង្គជាមួយនឹងព្រះមហេសី និង ព្រះជាយាខ្លះៗ ប៉ុណ្ណោះ ។

- ប្រភព៖ Royalark.net

Colorise & Old photos of Cambodia

By: Leak NCee

" The 10 sons of King Ang Doung "

1. His Majesty King Norodom the great ( Ang Votei or Ang Chroloung )

2. His majesty King Sisowath ( Sam Or )

3. H.R.H. Prince Sivutha

4. H.R.H. Prince Sereyvong

5. H.R.H. Prince Chanthavong

6. H.R.H. Prince Nuppavong

7. H.R.H. Prince Keo Monor

8. H.R.H. Prince Suwannavong

9. H.R.H. Prince Troohor

10. H.R.H. Prince Nilavong

- This is a photo of King Sisowath when he became older.

• Notice that he not has only these 10 sons, but he also has 19 daughters more with other concubines.

ព្រះបាទ អង្គដួងនិងព្រះរាជបុត្រីទាំង ១៩អង្គ

" ព្រះរាជបុត្រីទាំង ១៩អង្គនៃព្រះបាទ អង្គដួង "

១. សម្តេចព្រះអង្គម្ចាស់ក្សត្រីយ៍ ដួងមុនី ( ឬ អង្គដួង មុនី ម៉ុម )

២. សម្តេចព្រះរាជធីតា ព្រះមហាក្សត្រីយ៍ អង្គដួងត្រមោល

៣. សម្តេចព្រះរាជធីតា ព្រះមហាក្សត្រីយ៍ ស្រីវរ៉ា អ៊ូ ( ព្រះជាយាហ្លួង សិរីសុវត្ថិ )

៤. សម្តេចព្រះអង្គម្ចាស់ក្សត្រីយ៍ អង្គដួង ចង្កុលណី ( ព្រះជាយាហ្លួង សិរីសុវត្ថិ )

៥. ព្រះអង្គម្ចាស់ក្សត្រីយ៍ សុន្ថា ធម្មាចរិយា ( ឬ អង្គដួង កេសន )

៦. សម្តេចព្រះអគ្គមហេសី តារាការ៉ា ( ព្រះមហេសី ហ្លួងនរោត្តម )

៧. សម្តេចព្រះអង្គម្ចាស់ក្សត្រីយ៍ ចន្ទ័វត្តី

៨. ព្រះអង្គម្ចាស់ក្សត្រិយានី អង្គដួង ឧបល ( ឬអង្គដួង ឧបុនព្រីយ៉ា ) ជាព្រះជាយានៃ ហ្លួង នរោត្តម

៩. ព្រះអង្គម្ចាស់ក្សត្រីយ៍ អង្គដួង ស្រ ឱក

១០. ព្រះអង្គម្ចាស់ក្សត្រីយ៍ អង្គដួង មន្ថា ទេពមន្ទី

១១. ព្រះអង្គម្ចាស់ក្សត្រីយ៍ អង្គដួង កណ្តា មាលី

១២. ព្រះអង្គម្ចាស់ក្សត្រីយ៍ អង្គដួង ចន្រ្ទ័ចម

១៣. ព្រះអង្គម្ចាស់ក្សត្រីយ៍ អង្គដួង ប៉ុណ មាលី

១៤. ព្រះអង្គម្ចាស់ក្សត្រីយ៍ អង្គដួង សុផាន់ណា ព្រីយ៉ា

១៥. ព្រះអង្គម្ចាស់ក្សត្រីយ៍ អង្គដួង ក្រៅវនី

១៦. ព្រះអង្គម្ចាស់ក្សត្រីយ៍ អង្គដួង ត្រម៉ាថ

១៧. ព្រះអង្គម្ចាស់ក្សត្រីយ៍ ដួង យ៉ា

១៨. ព្រះអង្គម្ចាស់ក្សត្រីយ៍ អង្គដួង ទ្រលាន់

១៩. ព្រះអង្គម្ចាស់ក្ដត្រីយ៍ អង្គដួង ផាវី

• នេះគឺជាព្រះឆាយាលក្ខណ៍ នៃព្រះញាត្តិវង្សានុវង្សខ្មែរ នាចុងសតវត្សរ៍ទី ១៩ ។

- ប្រភព៖ Royalark.net

Colorise & Old photos of Cambodia

By: Leak NCee

" The 19 daughters of King Ang Doung "

1. H.R.H. Princess Preah Ang Machas Kasatreyani Doung Muni ( Ang Doung Moni Mum )

2. H.RH. Princess Samdach Preah Reach Thida Preah Moha Kasatrey Ang Doung Tromol

3. Princess Samdach Preah Reach Thida Preah Moha Kasatrey Srey Vora Ou ( the concubine of King Sisowath )

4. Princess Samdach Preah Ang Machas Kasatrey Ang Doung Chongkulney ( the concubine of King Sisowath )

5. Princess Preah Ang Machas Kasatrey Suntha Dhama Charya ( Or Ang Doung Kessorn )

6. Queen Samdach Preah Akak Mohesei Darakara ( Wife of King Norodom )

7. Princess Samdach Preah Ang Machas Kasatrey Chan Votey

8. Princess Preah Ang Machas Kasatrey Ang Doung Ubol ( Or Ang Doung Ubun Prya ) is a wife of King Norodom.

9. Princess Ang Doung Sro Ouk

10. Princess Ang Doung Montha Tepmunti

11. Princess Ang Doung Kannda Mali

12. Princess Ang Doung Chan Chorm

13. Princess Ang Doung Pun Mali

14. Princess Ang Doung Sophana Prya

15. Princess Ang Doung Krav Ny

16. Princess Ang Doung Tromadh

17. Princess Doung Ya

18. Princess Ang Doung Trolann

19. Princess Ang Doung Phavy

• This is a photo of Cambodian Royal family's member in the late 19th century.

" ព្រះបរមរាជឱរសទាំង ១៩អង្គនៃហ្លួង សិរីសុវត្ថិ "

• ក្នុងចំណោមព្រះបរមរាជ ឱរសទាំង ១៩អង្គនៃព្រះករុណា ព្រះបាទ សិរីសុវត្ថិ នៃយើង គឺមានតែ ពីរ អង្គប៉ុណ្ណោះដែល មាន ព្រះឆាយាលក្ខ័ណ៍ សម្រាប់បង្ហាញក្មេងជាន់ក្រោយអោយបានស្គាល់ និងពីរ បីអង្គផ្សេងទៀត ដែលមាន ព្រះជន្មវស្សា វែង ។ ខាងក្រោមនេះ យើងនឹងរៀបរាប់រាយនាមដូចតទៅ ៖

១. ព្រះអង្គម្ចាស់ សុីសុវត្ថិ វឌ្ឍនាវង្ស ( ប្រសូត គ.ស. ១៨៥៨ - ១៩០៧ ) សុគត ក្នុងជន្មាយុ ៤៩ ព្រះវស្សា

២. ព្រះអង្គម្ចាស់ សុីសុវត្ថិ ឥស្សរ៉ាវង្ស ( ១៨៥៨ - ១៩០៦ ) ៤៨ ព្រះវស្សា

៣. ព្រះអង្គម្ចាស់ សុីសុវត្ថិ ពង្សសីសារ៉ា ( ១៨៦០ - ១៩០៥ ) ៤៥ ព្រះវស្សា

៤. ព្រះអង្គម្ចាស់ សុីសុវត្ថិ ណុប្ផាកៅ ( ១៨៦០ -១៩៣០ ) ៧០ ព្រះវស្សា

៥. ព្រះអង្គម្ចាស់ សុីសុវត្ថិ ត្រលុច ( ១៨៦១ -១៨៩៧ ) ៣៦ ព្រះវស្សា

៦. ព្រះអង្គម្ចាស់ សុីសុវត្ថិ រដ្ឋានី ( ១៨៦១ -១៩០៧ ) ៤៦ ព្រះវស្សា

៧. ព្រះអង្គម្ចាស់ សុីសុវត្ថិ ចរណៃ ( ១៨៦១ -១៩០៩ ) ៤៨ ព្រះវស្សា

៨. ព្រះអង្គម្ចាស់ សុីសុវត្ថិ ពេជ្រ យ៉ារ៉ាក់ ( ១៨៦៤ -១៩០៤ ) ៤០ ព្រះវស្សា

៩. ព្រះអង្គម្ចាស់ សុីសុវត្ថិ ឌួង មធុរ៉ា ( ១៨៧៣ -១៩០៨ ) ៣៥ ព្រះវស្សា

១០. ព្រះបាទសម្តេចព្រះ សុីសុវត្ថិ មុនីវង្ស ព្រះចៅក្រុងកម្ពុជា ( ២៧ ធ្នូ ១៨៧៥ -២៤ មេសា ១៩៤១ ) ក្នុងព្រះជន្មាយុ ៦៦ ព្រះវស្សា

១១. ព្រះអង្គម្ចាស់ សុីសុវត្ថិ ឌួង លក្ខិណា ( ១៨៧៦ -ទី ០១ កក្កដា ១៩៥៣ ) ៧៧ ព្រះវស្សា

១២. ព្រះអង្គម្ចាស់ សុីសុវត្ថិ កន្នារក្ស ( ១៨៧៦ - ១៩២៧ ) ៥១ ព្រះវស្សា

១៣. ព្រះអង្គម្ចាស់ សុីសុវត្ថិ កាង៉ុយ ( ១៨៨៦ -១៩០១ ) ១៥ ព្រះវស្សា

១៤. សម្តេចក្រុមហ្លួង សុីសុវត្ថិ សុផានុវង្ស ( ១៨៨៦ -កក្កដា ១៩៥៥ ) ៦៩ ព្រះវស្សា

១៥. ព្រះអង្គម្ចាស់ សុីសុវត្ថិ មុនីរតន៍ ( ១៨៨៥ -១៩១២ ) ២៧ ព្រះវស្សា

១៦. ព្រះអង្គម្ចាស់ សុីសុវត្ថិ វង្សខាត់ ( ១៨៨៧ -ទី ២៩ មករា ១៩៤៨ ) ៦១ ព្រះវស្សា អ្នកម្នាង សយ សង្វាន គឺជាមហេសីរបស់ទ្រង់

១៧. ព្រះអង្គម្ចាស់សុីសុវត្ថិ រក្សសាស្ត្រា (?,? )

១៨. ព្រះអង្គម្ចាស់ សុីសុវត្ថិ ប៉ែង ( ?,? )

១៩. ព្រះអង្គម្ចាស់ សុីសុវត្ថិ ណាន ( ?,? )

- នេះគឺជា ព្រះឆាយាលក្ខ័ណ៍ នៃព្រះករុណា ព្រះបាទ សម្តេចព្រះ សិរីមុនីវវ្ម័ន ក្រុមហ្លួង ចៅចក្របាងស្ស សុីសុវត្ថិ មុនីវង្ស ។

- ប្រភព ៖ Royalark.net

Colorise & Old Photos of Cambodia

By: Leak NCee

" The 19 sons of King Sisowath "

• In the 19 sons of His majesty King Sisowath there are only two sons who had photos to show us next generation and a few more who had long live . Below these are the names of them :

1. H.R.H. Prince Sisowath Wattanavong ( born 1858-1907 ) aged 49 years old

2. H.R.H. Prince Sisowath Essaravong ( 1858-1906 ) aged 48 years old

3. H.R.H. Prince Sisowath Pongsei Sara ( 1860- 1905 ) aged 45 years old

4. H.R.H. Prince Sisowath Nophakao ( 1860-1930 ) aged 70 years old

5. H.R.H. Prince Sisowath Traloch ( 1861-1897 ) aged 36 years old

6. H.R.H. Prince Sisowath Rothaney ( 1861-1907 ) aged 46 years old

7. H.R.H. Prince Sisowath Charnay ( 1861-1909 ) aged 48 years old

8. H.R. H. Prince Sisowath Pich Yarak ( 1868-1904 ) aged 40 years old

9. H.R.H. Prince Sisowath Doung Mothoura ( 1873-1908 ) aged 35 years old

10. His Majesty King Sisowath Monivong

11. H.R.H. Prince Sisowath Doung Leakhena ( 1876- 01st July 1953 ) aged 77 years old

12. H.R.H. Prince Sisowath Khanarakh ( 1876-1927 ) aged 51 years old

13. H.R.H. Prince Sisowath Ka Ngoy ( 1886-1927 ) aged 15 years old

14. Samdach Kroum Loung H.R.H. Prince Sisowath Sophanuvong ( 1886- July 1955 ) aged 69 years old

15. H.R.H. Prince Sisowath Moniroth ( 1885-1912 ) aged 27 years old

16. H.R.H. Prince Sisowath Vongkhath ( 1887- 29th January 1948 ) aged 61 years old. He is a husband of Neak Moneang Say Sangvann .

17. H.R.H. Prince Sisowath Reaksatra ( ? )

18. H.R.H. Prince Sisowath Peng ( ? )

19. H.R.H. Prince Sisowath Nan ( ? ).

- This is an old photo of His Majesty King Sisowath Monivong .

វិមានឯករាជ្យ

 អបអរសាទរ ខួបលើកទី ៦៤ ឆ្នាំ នៃថ្ងៃបុណ្យឯករាជ្យជាតិ ខ្មែរ

០៩ វិច្ឆិកា ១៩៥៣ - ០៩ វិច្ឆិកា ២០១៧

" អនុស្សាវរីយ៍វិមានឯករាជ្យ "

• រយៈពេល ៥ឆ្នាំក្រោយពីដណ្តើមមកវិញនូវឯករាជ្យភាព ពី នឹមបារាំងសែស ដោយ ព្រះមហាវិរក្សត្រ ព្រះវររាជបិតា ឯករាជ្យជាតិខ្មែរ នរោត្តម សីហនុ នៅ គ.ស. ១៩៥៨ ( រជ្ជកាលហ្លួង នរោត្តម សុរាម្រឹត ) ហ្លួងបានត្រាស់បញ្ជា អោយសាងសង់ ស្តូបវិមានឯករាជ្យមួយ ដែល ហៅថា អនុស្សាវរីយ៍វិមានឯករាជ្យ ដើម្បីជាការ តបស្នងសងគុណ ចំពោះប្រជានុរាស្រ្តដែលជាកូនចៅ ជាអ្នក ហែរហមហ្លួង និងហា៊នពលីជីវិតដើម្បី ទាមទារមកវិញនូវឯករាជ្យ ជួនជាតិមាតុភូមិដ៍ជាទីស្រឡាញ់ ។

- វិមានឯករាជ្យមាន កម្ពស់ ២០ មែ៉ត្រ ចែកជា ៥ជាន់

- លំនាំតាមរចនាបថ អង្គរ រាងជាផ្កាឈូកក្រពុំ និងមានក្បាលនាគ សរុបចំនួន ១០០

- អ្នកគូរប្លង់ លោក វណ្ណ ម៉ូលីវណ្ណ ។

Colorise & Old photos of Cambodia

By : Leak NCee

" Anusawari Vimean Ekkareach or The Independent Monument "

• Five years after The father of Khmer independent nation King Norodom Sihanouk brought Independent from France for his people and country in 1958 ( in the reigns of King Norodom Soramrith the father of King Sihanouk ) he commented to build a huge monument of independent for thanks to all his people ,whose helped him to done this obligations as Khmer people.

- The independent monument high 20 meters and has five floors.

- This monument was copied style from The Angkor style as a lotus flower and has 100 Naga's heads.

- Architecture: Mr. Vann Moly Vann .

By Colorise & Old Photos of Cambodia

មហាប្រាសាទ ទេវាវិនិច្ឆ័យ

 ព្រះបរមមហាប្រាសាទ ទេវាវិនិច្ឆ័យ ក្នុងរាជសម័យហ្លួង នរោត្តម

- ថត : មុន គ.ស. ១៩១៣

Colorise & Old photos of Cambodia

By: Leak NCee

The Throne Hall of Cambodia in the reign of King Norodom.

- This photo was taken before 1913 A.D.

ព្រះមហាសុវណ្ណកាច្ឆៈ

 ព្រះករុណា ព្រះបាទសម្តេចព្រះ សុីសុវត្ថិ មុនីវង្ស ចមចក្រពង្ស ហរិរាជបរមិន្ទរ ភូវណៃក្រៃកែវហ្វា សុឡាឡៃ អតីតព្រះចៅក្រុងកម្ពុជាធិបតី ហ្លួងគង់ប្រថាប់ លើព្រះមហាសុវណ្ណកាច្ឆៈ ( កៅអីមាស ) ក្នុងព្រះមហាប្រាសាទទេវាវិនិច្ឆ័យ នាវាំងចតុម្មខ ក្នុងថ្ងៃ ដ៏មហាមង្គល នៃហ្លួង ។

- ថតក្នុងថ្ងៃ គ្រងព្រះសិរីរាជ្យសម្បត្តិ ខែ កក្កដា ព្រះពុទ្ធសករាជ ២៤៧១ ដែលត្រូវនឹងព្រះគ្រិស្ទវស្សា ១៩២៨ ។

• ព្រះមហាសុវណ្ណកាច្ឆៈ នេះ តាំងតែពី រជ្ជកាលបុរាណជាន់ចាស់មកក្រៅអំពី ព្រះមហាក្សត្រិយ៍ ទោះបីព្រះញាតិវង្សដែលជា ព្រះមាតា ឬ បិតាហ្លួងក្តី គ្មានសិទ្ធដាច់ខាត់ ក្នុងការឡើងគង់ប្រថាប់ពីលើ ទៀតសោត ព្រះមហាសុវណ្ណកាច្ឆៈ នេះ ហ្លួងអាចគង់ប្រថាប់បានតែម្តងប៉ុណ្ណោះ គឺក្នុងថ្ងៃ គ្រងព្រះសិរីរាជ្យសម្បត្តិ ។ ហើយសម្រាប់កិច្ចទទួលបដិសណ្ឋារកិច្ច ចំពោះភ្ញៀវអន្តរជាតិផ្សេងៗ ឬក្នុងពិធីបុណ្យសាសនា ក្នុងព្រះមហាប្រាសាទ ទាំងហ្លួង និងភ្ញៀវរបស់ហ្លួង គឺប្រើ សុវណ្ណកាច្ឆៈ និង កៅអីដែលមានក្បាច់ប្រណិតផ្សេង ឬធម្មតា។

Colorise & Old Photos of Cambodia

By : Leak NCee

ទំនៀមស្លៀកពាក់តែងខ្លួនអ្នកតំណាង ស្តេចមាឃ និង មេហួ

 “ ទំនៀមស្លៀកពាក់តែងខ្លួនអ្នកតំណាង ស្តេចមាឃ និង មេហួ ក្នុងរជ្ជកាលហ្លួង នរោត្តម “

• ដោយយោងតាមឯកសារ ព្រះរាជពិធីបុណ្យច្រត់ព្រះនង្គ័ល ចងក្រងដោយលោកសាស្ត្រាចារ្យ បណ្ឌិត មីសែល ត្រាណេ បានសរសេររៀបរាប់អំពីទំនៀមនៃការស្លៀកពាក់ តែងខ្លួនអ្នកតំណាង ស្តេចមាឃ ក្នុងផែនដីព្រះករុណា ព្រះបាទសម្តេចព្រះ នរោត្តម ថាពីដើមគឺគេស្លៀករបៀបនេះ ៖

- ស្លៀកសំពត់សារបាប់ សំឡុយពណ៌លឿងទុំ

- ពាក់អាវសារបាប់ ពណ៌លឿងទុំ

- ពាក់មួកប្រពាស ពណ៌លឿងទុំ

- លុះតរៀងមកដល់ ផែនដីហ្លួង សុីសុវត្ថិ មុនីវង្ស និង ព្រះករុណា ព្រះបាទសម្តេចព្រះ នរោត្តម សីហនុ ឃើញ មានប្រើស្រោមជើងពណ៌ខ្មៅ ។

+ រីឯ ភរិយាដែលតំណាង មេហួ គឺស្លៀក ៖

- ស្លៀកសំពត់សារបាប់ សំឡុយ

- ពាក់អាវព្រែបំពង់វែង ពណ៌លឿងទុំ

- ពានាក្រម៉ាព្រែ ពណ៌លឿងបៃតង

- ប្រដាប់គ្រឿងមាសពេជ្រ មានទំហ៊ូ ពាក់ខ្សែមាសឆៀងខ្លួន ពាក់ចិញ្ចៀន ឯក្បាលគ្មានពាក់អ្វីទាំងអស់ ។

- ឯក្នុងផែនដីហ្លួង សិរីសុវត្ថិ ស្លៀកពាក់ហូលមាន ជរ ពានាផាហ៊ុមខាងក្នុងនិងស្បៃសារបាប់ខាងក្រៅ ។

+ នេះជាព្រះបរមឆាយាល័ក្ខណ៍អនុស្សាវរីយ៍នៃព្រះករុណា ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ ស្តេចយាងតំណាងជា ស្តេចមាឃ ផ្ទាល់ព្រះអង្គ ជាមួយនឹង ព្រះអង្គម្ចាស់ក្សត្រី នរោត្តម បុទុមបុប្ផា ដែលជាព្រះរាជបុត្រីរបស់ព្រះអង្គផ្ទាល់ តំណាងជា មេហួ ថតក្នុងថ្ងៃ សៅរ៍ ទី ១១ ខែ ឱសភា គ.ស. ១៩៦៣ នៅឯទីព្រះស្រែ ខែត្របាត់ដំបង ។

Colorise & Old Photos of Cambodia

By: Leak NCee

“ ប្រវត្តិវត្តព្រះពុទ្ធមានបុណ្យ “

« ទីតាំងភូមិសាស្រ្ត »

• វត្តព្រះពុទ្ធមានបុណ្យ ស្ថិតនៅក្នុងសង្កាត់វាលវង់ ខ័ណ្ឌ៧មករា

រាជធានីភ្នំពេញ មានផ្ធៃដី ១០៤ម x ១២៥ម ស្មើនឹង១.៣ ហិកតា ។

ទីតាំងខាងមុខ ជាប់រង្វង់មូលនាងគង្ហីង និងពហុកីឡាដ្ឋានជាតិ

អូឡាំពិក, ខាងត្បូងជាប់ស្ថានីយ៍ទូរទស្សន៍ខ្សែកាបរាជធានីភ្នំពេញ,

ខាងជើងជាប់បូរីកីឡា និងខាងក្រោយជាប់ផ្លូវលេខ៣៣៦ ។

« ប្រវត្តិសង្ខេប »

• តាមការដំណាលតៗគ្នា បានឲ្យដឹងថា វត្តព្រះពុទ្ធមានបុណ្យត្រូវបានកសាងឡើង នៅ លើទីតាំងមួយជិតវត្តស្រះចកបច្ចុប្បន្ន ត្រង់បន្ទាយទាហានជើងក្រហម ។ ក្រោយមកពួកអាណានិគមបារាំង តម្រូវយកទីនោះធ្វើបន្ទាយ បានឲ្យវត្តរុះរើមកទីតាំងថ្មីវិញ ស្ថិតនៅស្ថានីយរថភ្លើងសព្វថ្ងៃ ។

នៅឆ្នាំ ១៩២១ បារាំងបានឲ្យរុះរើចេញទៀត ដើម្បីយកទីនោះធ្វើស្ថានីយរថភ្លើង ដូច្នោះហើយទើប ព្រះសង្ឃ ពុទ្វបរិស័ទបានរុះរើមកកសាងនៅទីតាំងសព្វថ្ងៃនេះ ។

ទីតាំងថ្មី ដើមឡើយជាត្លុក ត្រពាំង អូរ មានលក្ខណៈភូមិសាស្រ្តស្មុកស្មាញ មិនសមជាទីអារាមឡើយ តែដោយការរុះរើម្ដងជាពីរដង ព្រះសង្ឃនិងពុទ្ធបរិស័ទ បានពុះពារគ្រប់ ការលំបាក ប្រឹងកែច្នៃទីនេះឲ្យមានលក្ខណៈសមរម្យ ជាទីអារាម និងជាទីសក្ការៈបូជារបស់ពុទ្ធបរិស័ទ ។

មិនយូរប៉ុន្មាន ទីវត្តថ្មីនេះ ក៏មានការរីកចំរើន មានកុដិ មានព្រះវិហារ ,ឧបដ្ឋានសាលា និងសំណង់ផ្សេងៗទៀតជាច្រើន ហើយប្រការដែលគួរឲ្យកត់សម្គាល់ វត្តបានកសាងឈាបនដ្ឋានមួយបន្ទាប់ពីវត្តឧណ្ណាលោម ដើម្បីសម្រួលដល់សេចក្ដីត្រូវការរបស់ប្រជាជន ។

ដំបូងឡើយវត្តនេះ មានឈ្មោះថា វត្តព្រះពុទ្ធ តែក្រោយមកក៏ត្រូវបានផ្លាស់ឈ្មោះថា វត្តព្រះពុទ្ធមានបុណ្យ វិញ ព្រោះអាស្រ័យហេតុដ៏អស្ចារ្យមួយ គឺពេលដែលព្រះសង្ឃនិងពុទ្ធបរិស័ទ ដង្ហែព្រះពុទ្ធរូបធំ (ព្រះជីវ៍) មួយព្រះអង្គធ្វើអំពីថ្មតាន់ ពីទីវត្តចាស់ មកកាន់ទីតាំងថ្មី ត្រូវឆ្លងកាត់ព្រែកដែលមានស្ពានចាស់ទ្រុឌទ្រោមមួយ ដែលមិនអាចទ្រទម្ងន់ និងដង្ហែបាន ហើយពុទ្ធបរិស័ទក៏ធ្វើការបួងសួងតេជៈបារមីព្រះពុទ្ធថា សូមព្រះអង្គជួយទ្រទ្រង់ស្ពាននេះកុំឲ្យបាក់ស្រុត ហើយសូមឲ្យការដង្ហែនេះ បានទៅដល់ទីកំណត់ ។ ក្បួនដង្ហែក៏បានឆ្លងកាត់ដោយសុវត្ថិភាព បន្ទាប់ពីការបួងសួងរួច ។

ដោយហេតុដ៏អស្ចារ្យនេះ ព្រះសង្ឃ ពុទ្ធបរិស័ទ ក៏ជឿជាក់ ជ្រះថ្លាថា ព្រះពុទ្ធអង្គនេះ ពិតជាមានតេជៈបុណ្យបារមីប្រាកដមែន ក៏សម្រេចដាក់ឈ្មោះវត្តដែលកសាងនៅទីតាំងថ្មីនេះថា វត្តព្រះពុទ្ធមានបុណ្យ រហូតដល់សព្វថ្ងៃ ។

នៅចន្លោះឆ្នាំ ១៩៧៥ ដល់ ១៩៧៩ វត្តត្រូវបានបោះបង់ចោល គ្មានព្រះសង្ឃ ពុទ្ធបរិស័ទបំពេញបុណ្យកុសលទៀតឡើយ ហើយទីវត្តទាំងមូលត្រូវបានពួក ប៉ុល ពត យកទៅប្រើប្រាស់ខុសពីគោលដៅពុទ្ធសាសនា ។

នៅឆ្នាំ ១៩៧៩ ក្រោយថ្ងៃរំដោះ ៧មករា វត្តនេះមាននៅសល់អាគារខ្លះៗ ដូចជាកុដិ ពីរបីខ្នង និងឈាបនដ្ឋានមួយ ហើយតមកវត្តក៏ត្រូវបានយកធ្វើជាសាលារៀនបឋមសិក្សា ។ តែដោយផ្អែកលើគោលនយោបាយ របស់រណសិរ្សសង្រ្គោះជាតិកម្ពុជា ដឹកនាំដោយសម្ដេចទាំងបី វត្តក៏បានបើកឡើងវិញ ឲ្យគោរពបូជាតាមប្រពៃណីព្រះពុទ្ធសាសនា នៅ ថ្ងៃទី ១៧ ខែកក្កដា ឆ្នាំ១៩៩០ ដោយមានសម្ដេចព្រះឧត្តមមុនី ហេង លាងហោ ជាចៅអធិការ រហូតដល់សព្វថ្ងៃនេះ ។

បន្ទាប់ពីបើកឲ្យប្រើប្រាស់មក វត្តក៏មានព្រះសង្ឃគង់នៅ និងមានពុទ្ធបរិស័ទគ្រប់ទិសទីអញ្ជើញមកបំពេញកុសល រហូតទីវត្តទាំងមូលពេញទៅដោយសំណង់ពុទ្ធសាសនាយ៉ាងច្រើន មានព្រះវិហារ កុដិ ឧបដ្ឋានសាលា ចេតិយ ខ្លោងទ្វារ របងវត្ត និងបណ្ណាល័យមួយខ្នងកំពុងសាងសង់ ។ ដទៃពីនេះ ព្រះសង្ឃ អាចារ្យ គណៈកម្មការ ក៏បានរៀបចំ ផ្ទៃវត្តទាំងមូលឲ្យមានសោភណភាព តាមរយៈការចាក់កា្រលបេតុង និងដាំដើមរុក្ខជាតិនានាជាលម្អផងដែរ ។

+ នេះរូបព្រះវិហារវត្តព្រះពុទ្ធមានបុណ្យ ថតក្នុងអំឡុងឆ្នាំ ១៩៣០

- ប្រភពរូប ៖ លោក ស៊ុន ពោរ៉ា

- ដកស្រង់ទាំងស្រុងពី : https://wpbinfo.wordpress.com/about/

Colorise & Old Photos of Cambodia

By: Leak NCee

King Norodom Sihanouk during being a monk

 ព្រះបរមឆាយាល័ក្ខណ៍ អនុស្សាវរីយ៍ សម្តេចព្រះមនុជាធិបតី នរោត្តម សីហនុ អតីតព្រះមហាវីរៈក្សត្រនៃយើង កាលស្តេច សាងព្រះផ្នួស

- ក្នុងឆាយា រូបលេខ ១ គឺជា សម្តេចព្រះធម្មលិខិត ល្វី ឯម

+ ថត ក្នុងខែ ទុត្តិយសាធ ឆ្នាំកុរ នព្វស័ក ព្រះពុទ្ធសករាជ ២៤៩១ ឆ្នាំបារាំង ១៩៤៧ ។

Colorise & Old Photos of Cambodia

By: Leak NCee

The Royal Photo of His Majesty King Norodom Sihanouk during being a monk .

- In this photo number 1 was Samdech Preah Dhumha Likith Lvi Em .

+ This photo was taken in 1947 in the year of pig .

ព្រះខ្លោងទ្វារជ័យ

 ព្រះខ្លោងទ្វារជ័យអ្នករក្សាព្រះនគរ និង ព្រះមហាប្រាសាទទេវាវិនិច្ឆ័យ ក្នុងរាជ្យព្រះករុណា នរោត្តម ។

- ថត : ក្នុងកំលុងទសវត្សរ៍ គ.ស. ១៨៦០ ។

- Credit to : Sir Sawaphol Survanich

The victory gate and the throne hall ( Preah Moha Prasat Tevea Vinichai ) in the reign of His majesty king Norodom.

- This Photo was taken during 1860s.

រាយនាមអ្នករៀបព្រះស្ងោយ

" រាយនាមអ្នករៀបព្រះស្ងោយថ្វាយហ្លួង ក្នុងរាជ្យសម័យសម្តេចហ្លួងទួត "

• តាំងពីបរមបុរាណរៀងមកក្នុងព្រះបរមរាជវាំងខ្មែរ ទាំងព្រះពស្ត្រា ទាំងគ្រឿងសង្ហារឹម និងគ្រឿងប្រើប្រាស់ផ្សេងៗ សម្រាប់ហ្លួង ដែលមានដូចជា ព្រះទែនបន្ទំ (គ្រែដំណេក) ព្រះសុវណ្ណរាជយាន (គ្រែយានមាស) ព្រះកុញ្ជិកោសៈ (ទូ) ព្រះសុពណ្ណរាជ (កន្ថោរធំ) ។ល។ គឺសុទ្ធសឹងតែមានឆ្លាក់ក្បាច់រចនាលម្អយ៉ាងប្រណិត និងអស្ចារ្យ ។ តួយ៉ាងសូម្បីតែព្រះស្ងោយ (អាហារ) ដែលហ្លួងសោយ ក៏ត្រូវបានរៀបចំថ្វាយយ៉ាងមានរបៀប និងអនាម័យផងដែរ ។ កាលពីរជ្ជកាល សម្តេចព្រះមហាក្សត្រិយានី ស៊ីសុវត្ថិ មុនីវង្ស កុសុមៈ នារីរតន៍ សិរីវឌ្ឍនា អ្នករៀបព្រះស្ងោយដែលល្បី និងជាទីសព្វព្រះរាជហឫទ័យនៃហ្លួងមាន ៨ នាក់ ដែលក្នុងនោះមានម្នាក់ត្រូវបានហ្លួងសព្វព្រះរាជហឫទ័យ ប្រទានងារ ឡើងទៅជាទី « ចៅឃុន » ទៀតផងដែលក្នុងនោះរួមមាន ៖

១. លោកចៅឃុន សៅ ខុន (ផ្ទះនៅក្រោយរដ្ឋសភាចាស់)

២. លោកយាយ យឹម វ៉ាង់ (ប្អូនស្រី ព្រឹទ្ធសិល្បការិនី យឹម យ៉ាន់)

៣. លោកយាយ នី (ម្តាយបង្កើតរបស់ ទេវនាដនិម្មិត ឯម ធាយ)

៤. លោកយាយ យី ជា ( ម្តាយលោកអ៊ំ យី វង្ស )

៥. លោកយាយ ចាត់ ( ដែលមានផ្ទះនៅក្រៅវាំង )

៦. លោកយាយ អ៊ៀច ( ម្តាយសិល្បការិនី ម៉ែន សាអ៊ុនណា )

៧. លោកយាយ យ៉ុន ( ចាងហ្វាងក្រុមព្រះស្ងោយ )

៨. អ្នកស្រី ប៊ុន ចន្ទម៉ុល

- នេះជាព្រះបរមឆាយាល័ក្ខណ៍ នៃសម្តេចព្រះមហាក្សត្រយានី ស៊ីសុវត្ថិ មុនីវង្ស កុសមៈ នារីរតន៍ សិរីវឌ្ឍនា និង ព្រះករុណាព្រះបាទ សម្តេចព្រះ នរោត្តម សីហនុ ព្រះបរមរតនកោដ្ឋ ថតនៅគ.ស. ១៩៥៧ ។

- ប្រភពពត៌មាន ៖ លោកអ៊ំ យី វង្ស

លោក វីរៈ វ៉ារ៉ានី

Colorise & Old Photos of Cambodia

By: Leak NCee

រាយព្រះនាម និងនាមនៃព្រះបរមវង្សានុវង្សខ្មែរខ្សែ ស៊ីសុវត្ថិ ទាំង ៣៥អង្គ

 " រាយព្រះនាម និងនាមនៃព្រះបរមវង្សានុវង្សខ្មែរខ្សែ ស៊ីសុវត្ថិ ទាំង ៣៥អង្គ/នាក់ ដែលសុគត និងអនិច្ចកម្មក្នុងរបបកម្ពុជាប្រជាធិបតេយ្យ "

• ដើម្បីរំឭកនិងជាការចង់ចាំដល់ថ្ងៃដ៏មហាជូរចត់ក្នុងប្រវត្តិព្រះរាជពង្សាវតាខ្មែរនៅថ្ងៃ ១៧ មេសា ឆ្នាំ ១៩៧៥ គឺជាថ្ងៃជ័យជំនះដ៏មហាលោតផ្លោះ នៃរបបកម្ពុជាប្រជាធិបតេយ្យដែលបានដឹកនាំប្រទេសឱ្យធ្លាក់ចូលរណ្តៅដ៏ខ្មៅងងឹត ។ អាយុជីវិតនៃឥស្សរជនជាន់ខ្ពស់ដែលធ្លាប់មានប្រវត្តិតស៊ូហ៊ានបូជាសាច់ឈាមដើម្បីការពារជាតិមាតុភូមិ និងព្រះញាតិវង្សានុវង្សខ្មែរ មិនខុសពីប្រជាជនស្លូតត្រង់ខ្មែរ ដទៃទៀតនៅទូទាំងប្រទេសនោះទេ គឺត្រូវបានទាហានឈុតខ្មៅនៃរបបផ្តាច់ការនេះ កម្ទេចចោលទាំងអស់ ។ ខាងក្រោមនេះគឺជាព្រះនាមនិងនាមនៃព្រះបរមវង្សានុវង្សខ្មែរខ្សែ ស៊ីសុវត្ថិទាំង ៣៥អង្គ/នាក់ ដែលសុគតដោយការធ្វើគត់ និងមានរោគាសុគតនៅក្នុងរបបនេះ ។ យើងខ្ញុំសូមធ្វើការផ្សាយថ្វាយ និងជូនដោយរៀបរាប់ត្រួសៗ សូមសម្ដេច ព្រះអង្គម្ចាស់ ព្រះអង្គម្ចាស់ក្សត្រីយ៍ អ្នកអង្គម្ចាស់ អ្នកអង្គម្ចាស់ក្សត្រីយ៍ លោក លោកស្រី អ្នកនាងកញ្ញា និងប្រិយមិត្តអ្នកអានអញ្ជើញយាងទត និងទស្សនាដូចតទៅ ៖

+ ព្រះរាជបុត្រាបុត្រីហ្លួង មុនីវង្ស មាន ១៣អង្គ/នាក់ ៖

១. សម្តេចព្រះរៀម ស៊ីសុវត្ថិ ថាវ៉េតរង្សី នារីវង្ស ( សុគតនៅកំពង់ចាម ឆ្នាំ ១៩៧៦ )

២. សម្តេចក្រុមព្រះ ស៊ីសុវត្ថិ មុនីរ៉េត ( ព្រះអង្គជាព្រះស្ថាបនិក កងយុទ្ធពលខេមរភូមិន្ទ សុគតដោយរោគទឹកនោមផ្អែម នៅកំពង់ចាម ខែសីហា ឆ្នាំ ១៩៧៥ )

៣. សម្តេចព្រះរាជធីតា ស៊ីសុវត្ថិ សុភាពនារីរក្ស ( ខ្មែរក្រហមចាប់ធ្វើគត់ នៅឆ្នាំ ១៩៧៥ )

៤. ព្រះអង្គម្ចាស់ ស៊ីសុវត្ថិ កុស្សរៈ ( ជាអតីតមេបញ្ជាការជាន់ខ្ពស់កងយុទ្ធពលខេមរភូមិន្ទ សុគត ១៧ មេសា ១៩៧៥ )

៥. ព្រះអង្គម្ចាស់ ស៊ីសុវត្ថិ ពង្សតារារក្ស ( អតីតរដ្ឋមន្ត្រីក្រសួងឃោសនាការ សុគតឆ្នាំ ១៩៧៥ )

៦. ព្រះអង្គម្ចាស់ ស៊ីសុវត្ថិ វង្សមុនី ( សុគតឆ្នាំ ១៩៧៥ )

៧. ព្រះអង្គម្ចាស់ ស៊ីសុវត្ថិ មុនីជីវន្ត័ ( អតីតមេបញ្ជាការកងទ័ពអាកាសភូមិន្ទខ្មែរ សុគតឆ្នាំ ១៩៧៥ )

៨. ព្រះអង្គម្ចាស់ ស៊ីសុវត្ថិ ដួងជីវិន ( ព្រះញាតិវង្សដែលប្រកាសខ្លួនចេញពីខ្សែព្រះញាតិវង្ស និងជាអតីតនាយករដ្ឋមន្ត្រីរបបសាធារណរដ្ឋខ្មែរ ខ្មែរក្រហមធ្វើគត់នៅវត្តកោះ ១៧ មេសា ១៩៧៥ )

៩. ព្រះអង្គម្ចាស់ ស៊ីសុវត្ថិ ពង្សតារារក្ស ( រដ្ឋមន្ត្រីក្រសួងទូរគមនាគមន៍ សុគតឆ្នាំ ១៩៧៥ )

១០. ព្រះអង្គម្ចាស់ក្សត្រីយ៍ ស៊ីសុវត្ថិ សុដារង្សី ( សុគត ១៩៧៥ )

១១. ព្រះអង្គម្ចាស់ក្សត្រីយ៍ ស៊ីសុវត្ថិ សមន្តរាជ្យ ( សុគត ១៩៧៥ )

១២. ព្រះអង្គម្ចាស់ក្សត្រីយ៍ ស៊ីសុវត្ថិ សាមន្តរាជ្យពង្សា ( សុគតនៅបាត់ដំបង ១៧ មេសា ១៩៧៥ )

១៣. ព្រះអង្គម្ចាស់ក្សត្រីយ៍ ស៊ីសុវត្ថិ ភួងមុនី ( សុគតឆ្នាំ ១៩៧៥ )

+ ព្រះបុត្រាបុត្រី សម្តេចក្រុមព្រះ មុនីរ៉េត មាន ៤ អង្គ ៖

១៤. ព្រះអង្គម្ចាស់ ស៊ីសុវត្ថិ រ៉េតណារ៉ា ( ជារដ្ឋមន្ត្រីក្រសួងការបរទេស សុគតឆ្នាំ ១៩៧៥ )

១៥. ព្រះអង្គម្ចាស់ ស៊ីសុវត្ថិ រក្សមុនី ( ជាមេបញ្ជាការរងកងយុទ្ធពលខេមរភូមិន្ទ សុគតឆ្នាំ ១៩៧៥ )

១៦. ព្រះអង្គម្ចាស់ ស៊ីសុវត្ថិ ពង្សមុនី ( សុគតឆ្នាំ ១៩៧៥ )

១៧. អ្នកអង្គម្ចាស់ក្សត្រីយ៍ ស៊ីសុវត្ថិ វណ្ណារ៉េត ( បុត្រីចិញ្ចឹមរបស់សម្តេចក្រុមព្រះ សុគតឆ្នាំ ១៩៧៥ )

+ ព្រះបុត្រាបុត្រីសម្តេចក្រុមហ្លួង មុនីពង្ស មាន ៨ អង្គ ៖

១៨. ព្រះអង្គម្ចាស់ ស៊ីសុវត្ថិ មុនីស៊ីសុវត្ថិ មុនីពង្ស ( ហៅម្ចាស់ ពីលូ សុគតឆ្នាំ ១៩៧៥ )

១៩. ព្រះអង្គម្ចាស់ ស៊ីសុវត្ថិ រីមុនី ( សុគត ឆ្នាំ ១៩៧៥ )

២០. ព្រះអង្គម្ចាស់ ស៊ីសុវត្ថិ ដួងតារាវង្ស ( សុគត ១៩៧៥ )

២១. ព្រះអង្គម្ចាស់ក្សត្រីយ៍ ស៊ីសុវត្ថិ មុនីពង្សា ( សុគត ឆ្នាំ ១៩៧៥ )

២២. ព្រះអង្គម្ចាស់ក្សត្រីយ៍ ស៊ីសុវត្ថិ ពង្សស៊ីរីយ៉ា ( ហៅម្ចាស់ អូឡេវ សុគតឆ្នាំ ១៩៧៥ )

២៣. ព្រះអង្គម្ចាស់ក្សត្រីយ៍ ស៊ីសុវត្ថិ មុនីសុភាពនារី ( សុគតឆ្នាំ ១៩៧៥ )

២៤. ព្រះអង្គម្ចាស់ក្សត្រីយ៍ ស៊ីសុវត្ថិ ស៊ីវីម៉ាន ( សុគត ឆ្នាំ ១៩៧៥ )

២៥. ព្រះអង្គម្ចាស់ក្សត្រីយ៍ ស៊ីសុវត្ថិ ប៉ុណ្ណារីរត្ន័ ( សុគតឆ្នាំ ១៩៧៥ )

+ បុត្រាបុត្រី ព្រះអង្គម្ចាស់ ស៊ីសុវត្ថិ ជីវ័នមុនីរ័ក្ស មាន ៣ អង្គ ៖

២៦. ព្រះអង្គម្ចាស់ ស៊ីសុវត្ថិ វណ្ណូរក្ស ( សុគត ១៩៧៦ )

២៧. ព្រះអង្គម្ចាស់ ស៊ីសុវត្ថិ ចន្ទរ៉ាវីដ ( សុគត ១៩៧៦ )

២៨. ព្រះអង្គម្ចាស់ក្សត្រីយ៍ ស៊ីសុវត្ថិ ឆវីសុភា ( សុគត ឆ្នាំ ១៩៧៦ )

+ ខ្សែ ស៊ីសុវត្ថិ ដែលជាឥស្សរៈជន

២៩. ព្រះអង្គម្ចាស់ ស៊ីសុវត្ថិ សិរិមតៈ ( ឧត្តមសេនីយ៍ឯក នៃរបបសាធារណរដ្ឋខ្មែរ សុគត ២១ មេសា ឆ្នាំ ១៩៧៥ ដោយខ្មែរក្រហមធ្វើគត់យ៉ាងព្រៃផ្សៃ )

៣០. អ្នកអង្គម្ចាស់ ស៊ីសុវត្ថិ លីឆវី ( បុត្រា ទ្រង់ សិរិមតៈ សុគត ២១ មេសា ឆ្នាំ ១៩៧៥ )

៣១. សម្តេច ស៊ីសុវត្ថិ សីហនុ មេធាវី ( សុគតខែវិច្ឆិកា ឆ្នាំ ១៩៧៨ )

៣២. ព្រះអង្គម្ចាស់ក្សត្រីយ៍ ស៊ីសុវត្ថិ ណាណែត មេធាវី ( សុគតខែវិច្ឆិកា ឆ្នាំ ១៩៧៨ )

៣៣. ឃុនព្រះម៉ែម្នាង មាឃ ( ជាមហេសីហ្លួង មុនីវង្ស អនិច្ចកម្មនៅបាត់ដំបង ឆ្នាំ ១៩៧៨ )

៣៤. អ្នកម្នាង ប៉ុក វ៉ាណេ ( ឬ ប៉ុក វ៉ាន ជាមហេសីសម្តេចក្រុមព្រះមុនីរ៉េត សុគតឆ្នាំ ១៩៧៥ )

៣៥. អ្នកអង្គម្ចាស់ ស៊ីសុវត្ថិ ប៉ូរក្ខស៊ី ( បញ្ញាវ័ន្ដខ្មែរ ជាអ្នកនិពន្ធសៀវភៅ « បរិវាស័ព្ទក្នុងភាសាខ្មែរ » សុគត ១៩៧៥ ) ។

- ទូលព្រះបង្គំជាខ្ញុំ អភិបាលគេហទំព័រ សូមថ្វាយព្រះរាជអាល័យ និងចូលរួមរំលែកសេចក្តីទុក្ខចំពោះព្រះបរមវង្សានុវង្សព្រមទាំងប្រជាពលរដ្ឋខ្មែរទាំងអស់នៅទូទាំងព្រះនគរដែលបានសុគត និងអនិច្ចកម្មក្នុងរបបដ៏ខ្មៅឫស្យានេះ ។ សូមព្រះវិញ្ញាណក្ខន្ធ និងវិញ្ញាណក្ខន្ធ បងប្អូនប្រជាពលរដ្ឋខ្មែរ បានយាងទៅកាន់នឹងទៅកាន់ឋានបរមសុខកុំបីឃ្លៀងឃ្លាតឡើយ ។ ចំពោះអត្ថបទក្រោយយើងខ្ញុំនិងផ្សាយជូនអំពីព្រះនាម និងនាមនៃ ព្រះខិត្តិយវង្សានុវង្សខ្មែរខ្សែខាង « នរោត្តម » វិញម្តង ។

- ខាងលើនេះជាឆាយាអនុស្សាវរីយ៍នៃ អ្នកអង្គម្ចាស់ ស៊ីសុវត្ថិ ប៉ូរក្ខស៊ី ។

- ប្រភព ៖ Royalark.net

កិច្ចស្រាវជ្រាវរបស់ក្រុម ព្រះសុរិយា រៀបរៀង

និងអធិប្បាយដោយ វីរៈវ៉ារ៉ានី ។

- @រក្សាសិទ្ធិដោយគេហទំព័រ ៖ Colorise & Old Photos of Cambodia

- By: Leak NCee